قال من قبيلك!!
 

صباح اليوم وقبل مجيئ للعمل جيت محطة بنزين
الدريس اللي جنب البيت وقفت وقلت للعامل عبي بنزين 95 طبعا الهدد جديد ولابد من تدليعه المهم قالي 95 مافيه قلت يالله صباح خير رحت لمحطة البنزين اللي جنبهم(محطة الصعيدي بين مخرجي 11و10 محطة مهترئه بس كان بنزين السياره مخلص والاحتياطي فاضي تقريبا وقفت سألته فيه 95 قالي طبعا ..العامل بنقالي او هندي ماني متأكد المهم عباها فل ولمن مشيت بأمتار قام الهدد يضرب اخماس بأسداس عرفت ان البنزين مغشوش يا أنه محطوط معاه مويه او قاز السياره تمشي وتخبط الظاهر جاها تسمم من وجبة الصباح لاحول ولا قوة الا بالله عرفت انني تعرضت لعميلة غش في وضح النهار لعنة الله عليكم ياهالعماله الفاسده وبسرعه حولت على التانكي الاحتياطي خفت على الماكينه سياره جديده قهر لو جاها شي ومريت على محطة ثالثه وكملت التانكي الاحتياطي ومشت السياره تمام وانشالله العصر بسوي لها غسيل معده قصدي بنظف التانكي من البنزين المغشوش.. المهم رجعت ليهود آسيا العمال اللي كانوا في المحطه وتلاسنت انا واياهم ولعنت جدف جدفهم و الصراحه اني رفعت ضغطي على الفاضي تدرون وش يقول العامل هازا بنزين مزبوط ميه ميه هازا فيه ممكن نفر ارامكو جيب بنزين مافيه مزبوط تنكر... انا لله وانا اليه راجعون انا ودي اسأل في مثل هالنوعيه من الغش من قبيلك البلديه او التجاره او ارامكو او الامم المتحده.. العامل نفسه اللي باع لي البنزين يتكلم معي بعين قويه عارف اني مارح اقدر اسوي له شي وهو يشوف ربعه واخوياه يتم القبض عليهم متلبسين بجرائم يندى لها الجبين ويخلى سبيلهم او يتم ترحيلهم بكل بساطه وحق امه عددها 20 مليون يمرغه هؤلاء الشرذمه بالتراب اعزكم الله فلو كان الامر بيدي لحاكمت المسؤل قبل العامل لان المسؤل هو من تغاضي وكان لينا في تطبيق الاحكام وضيع بذلك هيبة بلد الحرمين الشريفين والتي ستعود باءذن الله بسواعد ابناءها وبتطبيق حدود الله والضرب بيد من حديد لكل من تسول له نفسه العبث بالبلد واهله
http://www.alriyadh.com/2008/03/09/img/103156.jpg

اسكت يا لاتدف بيصرون هم ارباب عملنا


ياليت تكتب اسم هالمحطة

مقاطعتهم . اسم المحطه

الله لايوفقهم، والمفروض تدبغهم اليييين يعضون الارض، وشكرا على اسم المحطة عشان نوصي عليهم بتوصية خير

شكرا على التنبيه
فات علي سطر:o

يا اخي لا تدف

اذا كنت متأكد اشتكيهم يا اخي !!

العيار اللي مايصيب يدوش !!