السلام عليكم ورحمة الله وبركاته لكل الاعضاء

المشكله عندك شعب او بالأصح مستهلكين ماعندهم صبر وتوعيه أو بعضهم نفسي نفسي يفكر ويقول انا حالياً اقدر اشتري لانو عندي سيوله وغيري ما يقدر يشتري ففرصه وهو ما يعرف انو اذا صبرنا صبر قووي و بصوت واحد خليها تصدي وموديلها يعدي ولاللجشع ولا للنصب ولا للوكلاء والتجار سواء سيارات أو مواد غذائيه هما اللي يخسروا مو أحنا (المستهلكين) لأنو وكلاء وتجار السيارات ومواد الغذائيه مههدين بخساير لاتنسوا عنده مصاريف كثيره مستودعات وومؤظفين .........الخ + المصنع السياره او مصنع مواد الغذائيه اللي يمثلها تطلب منه سيوووله وتؤصل للمصنع انه يسحب الوكاله منه ويعطيها لشخص ثاني بسبب تقصيره في المبيعات ......الخ لانو المصنع يفكر بمصلحته ولازم يكسب أصوات المستهلكين وعدم رفع الأسعار علشان يتجنب انو بضايعه تخيس و تنتهي صلاحيتها

أحنا ياعالم عودنا شله النصب والاحتيال ورفع الاسعار بسبب عدم التوعيه وعدم الوقوف معى بعض ضدهم لا تستنوا وزارة التجاره او حماية المستهلك او حقوق الانسان .....الخ تفكر فيك شجع اللي عندك واللي حولايك

خليها تصدي وموديلها يعدي لمصانع ووكلائها السيارات بجمع أنواعها من مخزون 2008 وجديد 2009 و2010 و........و.......و.................الخ تاريخ مجهول

علشان يعرفوا أشياء كثيره وأولهم المصنع ثم الوكيل لا للأسعار السيارات والربح الفاحش والنصب والاحتيال و لا لخدمات ردئيه لما بعد البيع ونعم لقطع غيار أصليه رخيصه ومنتشره و نعم لمحاربة قطع الغيار التجاريه ونعم أجور صيانه معقوله تنافس الصناعيه ولكل مايحقق عدل المستهلك وحمايته من نصب واحتيال واستغلاله ومص راتبه ورصيده وجيبه ودمه

حركات التجار انهم يرفعوا مثلاً 10% بفتره ولما يلاقوا ضغط شديد بأذن الله يقلك زي ماسمعتوا حنخفض 40% وهو كسبان اصلاً لانو في الاصل خفض 30 % وربح 10% +ارباحه بدون خصم والمفروض التخفيض الحقيقي 50% ولاكن مين يصبر ويأدبهم .

زي شركة فواز الحكير وشلته تعرفون أنه ماسك اكثر من وكالة ملابس وأخر مشروع له سوق مجمع العرب بجده وهو وسوبر ماركت جيان حقت هندي الاصل متجنس جنسيه اوروبيه يافرنسي او بريطاني اذاماخب ظني وفواز الحكير أسم للجهات الحكوميه وجيان في فيها حركات نصب ........الخ المهم خوينا فواز على كلام شخص يشتغل عنده سنين بمحلاته وعارف الطبخه زي مهرجان جده كل سنه المعروف المحلات كلها تسوي تخفيضات وتحط اعلان صور من الغرفه التجاريه في واجه المحل انو تخفيض غير الدعايه أذا المحل ماعنده ملابس وفي ملابس جديده بالمستودع المفروض تنزل بعد المهرجان او التخفيض ولاكن حشره قدام الناس محل فاضي يصير يلعب بالاوراق البضاعه وأسعارها وعنده مثلاً بلوزه بــ200 ريال المفروض يبيعها يصير يكتب في الاوراق الرسميه انها 400 ريال وتخيضات ياعالم وياهو والخرابيط 50% والناس تجري وتصدق 400 ريال بعد الخصم 200 ريال والناس تقضي مسكينه ومو شرط 50% يمكن 30% يا اقل او اكثر المهم انه يرفع بالاوراق الرسميه وينزلها بخصم .......% والحاصل مو بس هوا حتى التجار الثانين يطبقها والله وأعلم صرت افكر هل التخفيض اللي مسويه المحل الفلاني حق الملابس الاجهزه الالكترونيه صح ولا لعب وأين حمايه المستهلك
ويمكن تلاقي أشياء شفتها صح عليها خصم بس القطع الثانيه شيكت عليها ؟؟!!!!

الادمي كسبان بقوووه البلوزه ساده من الهند خامه نظيفه بتراب الفلوس بعدها تروح لشركة الماركه بأيطاليا أو أسبانيا ينحط عليها رسمات وخرابيط وعلامة الماركه وتجي للسعوديه تنباع بالشيء الفلاني سواء خصم او بدون خصم كسبان كسبااان هذا على كلام شخص جلست معاه مو بس هوا يمكن في غيره تاجر بس ماطلعت ريحته

لازم يكون في رقابه عليهم من جد << مستحيل يتحقق بسبب العلاقات وتحت الطاوله ......الخ
بس اللي يتحقق من جد يبغاله صبر توعية المستهلكين بفضح تلاعب التجار علني
طايحين في شله حراميه من وكلاء وتجار سيارات ومواد غذائيه واجهزه الالكترونيه وملابس



وأسف على الاطاله