المشاركة الأصلية كتبت بواسطة كيموس القديم

السلام عليكم ورحمه الله وبركاته

بدأت حملة الالبان وانتهت ودخلنا حملة البيض وانتهت ومرينا بحمله الدانمارك والان هولندا قربت غير الحملات الاخرى على البيبسي والكوكاكولا والستاربكس وغيرهم وانتهى بعضها والبعض الاخر مازال مستمرا...

في كل الحملات صرنا نطالب ونطالب ونقول غيرنا عندهم واحنا عندنا والتاجر يسكب واحنا نخسر ومن كثر المواضيع اللي صايره والله العظيم صرت احس اننا ضايعين ومثل الذبيحه في غابه ضباع كل واحد يجي ينهش شوي من لحمها...

هذا الموضوع فقط واتمنى هالشي يتم فيه ما ابي احد يدخل ويكتب اي شي قبل مايفكر في الشيء اللي بيكتبه..

تبي تقاطع قول وش الشي اللي تبي تقاطعه وليه تقاطعه ( حط اسبابك وخلي غيرك يرد عليك ).

حط نمط الحياه اللي تبيه وايش الشي اللي تبي المجتمع يوصل اليه والطرق اللي بتؤدي الى طلبك وامنيتك.

هذا الموضوع مانبي القص واللصق ولا نبي النسخ ولا نبي ناس غيرنا تتكلم عننا ولا نبي نتكلم عن غيرنا ابي كل واحد يتكلم عن نفسه وبس عن رأيه هو عن وجهة نظره هو عن تفكيره هو عن احلامه هو.

في هالموضوع لاتتكلم عن رايك الشخصي بأي شخص اخر او تطلب رد مني او من اي عضو ثاني على مواضيع اخرى خلي هذا الموضوع فقط لكي نفهم ونوحد اتجاهاتنا جميعا.

سواء كنت صديق او غريب سواء قريب او بعيد دع لقلمك فرصه راحه ورتب الكلام بعقلك وفكر بعقلك واحسب حساباتك بعقلك وشاور عقلك باحلامك ومن ثم حط اصبعك على الكيبورد وخله يكتب.. سطر سطرين عشره صفحه مايهم كم تكتب المهم توصل كل اللي عندك للجميع ولما يجيك الرد على كلامك وتفكيرك لاتزعل بالعكس حاول تستفيد من وجهة نظر غيرك ( خذ اللي تبيه والباقي انساه ).

شكرا مقدما