الاخ مواطن مهتم:
اقتباس:
|
خلاصه القول او مايمكن أن نخرج به من فائده لهذا الموضوع هي انها كاختبار لم ينجح به أحد فلاصاحب الموضوع استطاع اداره الحوار الي مايريد أن يبينه ولا الردود حاولت وبتسامح ان تفهمه لغموض فكرته
|
الموضوع موب غامض ولاشيء لكن الموضوع محير للبعض...
تخيل جاك مسئول وقالك انت فلان اللي تكتب بالمعرف ( مواطن مهتم ) في منتدى مقاطعه وانا ابيك الحين تحدد لي مطالبك انت واعضاء موقعك... وش اللي تبون توصلون له وش هي اهدافكم وماهي الحلول للمشاكل اللي تشوفونها .... كيف بيكون جوابك ؟؟؟
انا وانت وهو وهي مثلا ممكن عارفين وش مطالبنا ونعرف كيف نرد على هالسؤال لكن في غيرنا مجرد دخوله للموضوع يكون لوضع كلمه ( يسلمو على الموضوع الرائع ) وهو اصلا ماقرأ شيء؟؟؟ أو ( خلوها تصدي وموديلها يعدي ) والموضوع يتكلم عن شراء الخبز ؟؟؟
مثلا هذا الموضوع:
https://www.mqataa.co/vb/showthread.php?t=13575
اللي يتكلم عن التخفيضات على سيارات الجيب شيروكي وغيره والناس قامت تقول نجحنا بالمقاطعه والتخفيض وصل الى 53000 ريال واكثر من 20 رد على الموضوع تبارك وتقول حنا مضحوك علينا ومعقول كسب هالمبلغ كله على كل سياره باعها ؟؟؟
رغم ان واحد كتب هذا الرد:
اقتباس:
السلام عليكم ورحمة الله وبركاته
الوكيل المتحدة للسيارات وكيل جيب بالسعودية
موديل 2007 و موديل 2008
يعني الوكيل معروف ان مبايعاته تعبانة وقطع الغيار لايوفرها وغالي جدا.
ثاني شي
السعر مقارنة من 2007 الى 2009 وبعد الوكيل ربحان.
انا كنت مسوي تغطية لسيارة جيب باتريوت وكان سعره في الامارات 85.000 الف درهم ويعني ينقص كم الف او الفين بالريال السعودي.
وهو حاط سعر 82 الف ريال ويعني كم نقص السعر من 2007 الى الوقت الحالي ويقول انه وفر اكثر 25 الف ريال.
يعني الوكيل كسبان بالسيارة بنفس السعر الاصلي من سنة 2007 ومر عليه سنتين.
وهذا رابط للتغطية للبرهان والسعر.
http://www.gulf4cars.com/vb/t12091.html
اما جيب رانغلر سعره في الامارات سنة 2007 كان سعر سبورت اتوماتيك 92 الف درهم والعادي 88 الف درهم
والوكيل في السعودية 82 الف درهم ويعني كم نقص من السعر 6 الاف ريال من موديل 2007 والحين في سنة 2009
وبعد ربحان في السيارة ربح كبير من غير خسارة.
وهذا رابط الموضوع عن رانلغر:
http://www.gulf4cars.com/vb/t8392.html
وهذا بعد اسعار السيارات لجيب وكرايلزر ودودج في الامارات موديلات 2008
http://www.gulf4cars.com/vb/t20706.html
يعني الاسعار حاطينه رابح فيه من غير خسارة,
محتاجين اي معلومات خبروني
جزاكم الله خير
خلها تصدي
|
انا من ناحيتي احب يوم اقرأ موضوع اتمعن في كل رد من الردود واذا حسيت بشيء غلط اقوم ببحث بسيط عن الموضوع نفسه بحيث اكون مطلع على كل شيء وبعد كذا اكتب الرد..
هذا الرد مثلا شفت فيه غش مو طبيعي من الشركه اجل موديل 2007 نزلت 3 الاف فقط من قيمته ( سنتها ) ومسويه مقارنه بين موديل 2007 و 2009 من ناحية السعر وهنا طلع لنا التخفيض الهائل 53000 ريال تقريبا ؟؟؟
بالنسبه للاخوان ابو خالد والساموراي والجني واحمد الخزرج اتمنى تكون فكرتي وضحت نسبيا الان...
انا بكتب كل شيء ابيه هنا فقط في البدايه حبيت اعطي المجال لغيري يبدأ ولنا في الاخ ابو خالد القدوة..