انا لي فتره ماحكيت ولا نطقت لاني اشوف كلام الكاتبه الكبيرة والمتألقه دوما

اختنا جمرة غضا

وفقها الله لما يحبه ويرضاه وابعدها عن جميع شرور الدنيا وان يرزقها من حيث لا تعلم


اختي جمره غضا كثر الحساد وكثر الفساد وقلتي انك لن تسكتين حتى ولو هددوك

اذا فل يكن هذا في علمك

نحن معك قلب وقالبا والي يضرك يضرنا والي يرشك بالمويه نرشه بالدم


وبعدين الي قاهرني وفاقعن مرارتي

مو اهم يقولون ان هذي الحمله فاشله واننا نتعب نفسنا ولا فيه لا تخفيض ولا شي وانهم يقولون بعكس بتصير هناك زياده

طيب الحمله فاشله مثل ماقلتوا طيب ليه تجون هنا وتتكلمون وتبررون مو اهي فاشله خلونا على راحتنا طيب

يصايحون ويقولون حملتكم فاشله ويجون عندنا ويقولون اننا بنرفع ومن هالكلام الفاضي

فوالله ما دخلتم هنا الا وانتم عارفين ومتأكدين ان هالحمله لها صيت وعملت زلزال بين التجار

فوالله اعلم كم تاجر لم ينم بسبب هذه الحمله

واحد من التجار ( بدون تحديد اسماء يعني مو ولد عبداللطيف جميل )

قام يبكي عند وزير التجاره

يعني وش تبيه يسوي يمسكني بأذني ويقول غصب اشتر مابي

يمدحون السياكل اوفر لا بنزين ولا زين ولا صيانه دورية

وبراد هالايام والحمد لله

هههههههههههههههههههههههههههههههههه

ياعمي انت وياه احنا شعب ابو متعب

تفهم وش معنا شعب ابو متعب

يعني احرار ومدام ابو متعب معانا عمرك انت واياه ماراح تغصبني على شي

وخلوها تصدي ويطقها الشمس وجعلكم مابعتوا منها ولا رفرف

وانت يالي تقول اننا ناكل خبزك مدري فطاير لوزين حقتك

وخايف على وظيفتك لو انت خايف صح ما قعدت مذلول الى الحين

والخوف الحقيقي انك ما تأكل عيالك حرام من دماء المواطنين

<<<< كلامي كثير صح اعذروني