يعطيك العافية يالغالي
ذكرتني مرة كنت في شارع الوزير اشتري ملابس ولقيت جاكت سوري مكتوب عليه تخفيضات من 750 ريال والى 400 ريال ولفترة محدودة الحق قبل نفاذ الكمية اشتريته من هبالي وكان عاجبني مرة خذته وطلعت ورحت للمحلات الي جنبه ادور قمصان تركية والقى هذاك المحل وفيه بياع سوداني وللامانه اسعاره جدا رائعة عكس السوق في اشياء لقيتها برى على 400 ريال و300 ريال عنده لقيتها 150 ريال و90 ريال والطامة الكبرى والمصيبة لقيت الجكت السوري الي شريته وبكم 250 ريال قسم بالله انصدمت طلعت الجكت الي شريت وقارن بينهم على طول قالي البياع السوداني انت شارية من المحل الفلاني وبكذا قلت ايوة وش دراك قال كل الزباين كذا زيك يتفاجئون قلت طيب ليش الفرق بالسعر قال لعدة اسباب واهمها :
1) انهم لايستوردون وانما يشترونه من السوق
2) بسبب ان شارع الوزير لاتنشط فيه حركة البيع الا في الاجازات
3) طمع صاحب المحل لان اغلب اصحاب المحلات في شارع الوزير ليست لسعوديين وانما عرب