المشاركة الأصلية كتبت بواسطة dr_hhq

لي تجربة مع بالبيد الحرامي النصاب

الوالد طلع جمس سوبربان ملكي عام 1998 وكان الجمس ولا احلى المهم الجمس انطق عين وهو ما كمل الف كيلو وصار على الوالد حادث فيه جا وحد قاطع اشارة اجنبي بدون اقامة ومش سيارتو وصدم في جمس الوالد من الباب الامامي للراكب والرفرف وقوة الصدمة انحرف الجمس عن المسار وصدم من الامام باشارة المرور في الخط المقابل

المهم الوالد قال السيارة ليسا جديدة ما ودي اي احد يلعب فيها اوديها للوكيل احسن والله ووديناها للحرامي بالبيد اقولو سمكرها يقول حرام السيارة جديدة ما كملت الف كيلو حتى ماراح تنفع السمكرة لازم باب جديد ورفرف جديد وصدام وشبك امامي وقال ليسا القطع ما عندنا راح نطلبها من امريكا -العن ام البكش حقهم- المهم السيارة جلست عندهم حوالي شهرين على ما توصل القطع واخذنا السيارة ما شاء الله ما كأنها مصدومة 100 100 وكلفت حوالي 6893 بعد الخصم طلبت منو الباب والرفرف المصدوم قالي خلاص رميناه احنا ما نخلي سكراب في الورشة على طول اول باول ننظفها

وتمر الايام وانا بادخل الجمس في الحوش واحك باب الحوش في نفس مكان الصدمة من الرفرف الى الباب البوية اتقشرت وطلع لون المعجون الاحمر حق السمكرة الله لا يبارك لو في كل قرش اخذو مننا

وفي الاخير كل الوكالات ملعون ابوها كل وحده اخس من الثانية