لو تسبدل الذهاب للجرير بالبحث عن بالنت ستجد ضالتها وتوفر بعد
................................
أاختي أولًا حياك
ثانيًا اقتطاع من الراتب ان قدرتي انت تعملينه أو مثل ماقال أخونا سعودي غير ... البنك يقتطع لك
ثالثًا المبلغ الباقي حطي جزء بسيط منه احتياط ... ليه احتياط !؟ أقولك
اما لشي يطلع لك فجأة مثل عزيمة هدية يكون عندك هالمبلغ ولا راح يكلف عليك بميزانية البيت ... واذا سلمها ربي ولا صار شي في هذا الشهر خليه مكافأة لك ولبيتك
الباقي قسمية على 4 اسابيع يعني شهر
كل اسبوع محدد له مبلغ بكل الاحوال لا تتجاوزينه حتى لو انتهى اقعدي (عقاب )
رابعًا كم شهر راح تعانون لكن مع الوقت راح يكون عندكم مرونه في التعامل مع المصروفات
خامسًا مشكلتنا دائم نقول اولادنا اولادنا
صدقيني حنا نضرهم كثير ... المفروض نحطوهم في الواجه ونعلمهم ان الصرف له حدود .. ومن صغره نبدأ نعلمه مسك الريال وكيف يتعامل معه بالصرف... يعني من يدخل المدرسة نتدرج معه بالمصروف الخاص به حتى يوصل لمرحلة يكون هو مسؤول عن مصروفه بالكامل .. يعرف قيمته والله انه لمصلحتهم
شوفوا الاجانب تلقونه واصل مدير تنفيذي ياخذ مئات الاف من الدولارات وبنته بالثانوية ولا معها جوال !
وعندنا اولادنا من التمهيدي الجوال بيده !! ونقول الفلوس وين تروح ...