سلاااااااااام

موضوع تحصيل الغرامه موضوع من زمان المفروض يكون ليه ؟؟؟


يجي ابو الشباب جالس مع اخوياه و شوي ولاه يقول ابي اسافر انا و العيال لبيروت يومين و نجي

؛<<<<<<<< الى الحين الاخ مطنوخ و كااااااااااااش

يدق قدام العيال و يحجز له و لزوجته الدبه ؤؤم كرش و لولدهم سليم اللي نخاريره واصله الشارع


و من زود الشين بعد يحجز اولى 3 مقاعد و الشغاله يحجز لها بالسياحيه و يقفل الخط و يقول له واحد من اللي جالسين تبينا نروح نقطع لك تذاكر بما انه ماعندنا شي و انا اعرف واحد بمكتب فلاني بيعطيك تخفيض حلو

<<< توهق الشين

هاااه يالله يالله نروح نقص التذاكر

و راحو يقصون التذاكر على الفيزا لان ابو الشباب ما عنده كاااش و الكاش اللي معه 5 ريال ريالين خبز و 3 فول للعشاء

عاد قال في نفسه برجعها بعدين و اخذ حقها كاش

طيب

عقب ها التوهيق صار لابد انه يطلع من الرياض وين ينقلع له ؟؟؟؟؟؟

قال لام العيال ؤؤم كرش وش رايتس بطلعكم الدمام قالت والله فكره خلنا نغير جو لنا 3 سنين ما سافرنا

فكر بالموضوع بسرعه لقا انه بيدفع حق شقه مفروشه 300 ريال و يبي يروح و يجي و يتمشى و ياكل و يشرب و يمكن بعد يشري شي ولا تخرب السياره و يتورط بتصليحها !

قال والله ان الوالده لي زمان عنها (( بالقصيم ولا بدير ولا بالخرج ولا اللي هو عااد ))

وش رايك نروح نشوفهم و نسير عليهم << يبي يضمن اقل شي السكن و الاكل و الشرب

قالت امرنا لله بس نسافر ................

ايه راحوا لديرة اهلهم و جدع عيالهم عند اهلهم و راح لاستراحه ناس يعرفهم منذ مبطي و اصدقاء طفوله و قضى ها اليومين بديرتهم ...

و كلفته السفره بعد ستر ربي عليه و على سيارته 150 حق بنزين و غير الزيت لانه صار عجين ما صار زيت

ايه ان الرجال رجع للرياض و قعد مع العيال بالاستراحه بالرياض و بدا عااااااااد يسولف

سكنت في الموفنبيك و جتني هاك الشمحوطه تميلح قلت لها ضفي وجهتس بس و اذا نزلت المرقص طال عمرك جاني مدير المرقص و مشى قدامي و قوم الناس من طريقي و وصلني الى الطاوله اللي احب اقعد عليها على البست و جاب ما لذ و طاب و اذا نزلت من الفندق تلقا ها اللبنانيين قدامي لاني ارش عليهم اقل شي بالخمسين دولار و لا امد اقل منها

و اذا دخلت المطعم جاني مدير المطعم و هم يعرفون وش ابي و تلقاهم محضرين لي طاولتي قبل ما ادخل لان لي ستايل خاااص

ايه و ها البنات حولي و انا ارفسهم برجولي

<< نقز واحد و قال ليه ؟؟

رد صاحبنا

ياخي طفشت منهن و لي وحده خاصه و لا احد يقدر يقرب منها لانهم يعرفون انها لي في اي وقت

و يعرفون البودي قاردات اللي معي منهم

تصدقون يا عيال ان البودي قاردات اللي معي هم اللي كانوا مع الحريري قبل ما يموت

عااد معروفين

ايه و يوم جينا بالطياره و يقابلني مدير المطار و يمشي معي انا و المدام الى باب الطياره و عند باب الطياره قابلني الكبتن و مشى معاي الى كرسيي انا و المدام

و ها المضيفات انواع التميلح قدامي و انا اتحمد الله على نعمة العقل و يرقمني و انا ابتسم لهن و اجدع الرقم تحت

بس تعرفون لازم يكون الواحد يتعامل مع الناس بالاتيكيت

و ويوم وصلت مطار الرياض <<< الظاهر حتى ما يعرف انه مطار الملك خالد

و يقابلوني اخوياي من الجمارك و الجوازات و موظفين من المطار - تعرفون اخوياي و بيني و بينهم مصالح المهم و القا اخوي و عياله قدامي بالديناللي 2009 اسود و مظلل اسود و جنوط 22 نيكل مراوح تصدقون ان الجنوط لحالها قيمتها 30 الف غير الكفرات
المهم وصلنا البيت على خير و سلامه

و من بكره و خوينا مداوم بمكتبه اللي متر في متر و نص و ينتظر راتبه 3524 مع النقل يوصل لا لا ما يوصل 4000

و هنا نتهت سالفة ابو سليم

----------------------
عاد انه عقب ها السالفه كلها راح و رجع التذاكر و اخذ حقها من المكتب

و ما درى انه فيه ناس اتصلت على الخطوط السعوديه تبي حجز و الخطوط يقولون لهم ما فيه لان المقاعد محجوزه كلها ........!!!

ما درى انه فيه ناس اخرت شغل في بيروت لانهم ما لقوا حجز ولا يقدرون يقولون نطلع المطار لقينا ولا ناخر مواعينا لان مواعيدهم ما ينفع فيها التاخير على اخر لحظه

ما درى ان الخطوط خسرت ماديا لان ابو سليم يبي يتفلسف على العيال بالاستراحه

ما درى اني كذى مره اطلع و القا نص الاولى فاضي اذا سالت الموظفين و قلت لهم اني اتصل ما القا حجز على الاولى و الحين اشوف نصها فاضي يقولون وش نسوي باللي يحجزن و ما يجون .....!!!!

و انا اتطلبهم اولى يقولون ما فيه و ما فيه الى عدد محدود بالسياحيه يا تلحق يا ما تلحق

ما درى انه علشان يكون مسلم صحيح لازم يقول الحق ولا ليه اقول اني في بيروت و انا في العوشزيه ولا في مشتل الخرج ؟؟؟؟؟

انا مع الخطوط بالاجراء و اتمنى بعد يكون فيه قائمه سوداء لها الاشكال و يمنعون من الحجز لمدة سنه على اقل تقدير و ما فيه الى من المطار و انتظار بعد

و المشكله انهم ما يتصلون و يلغون الحجز قبل الرحله

لا

ما فكر ولا يبي يفكر بما انه ضامن قروشه تبي ترجع له

انا اسف اخي كاتب المقال لكن رايي ييخالفك و هو للمصلحه العامه

الى متى و نحن نحب ان نتصرف بدون رقيب ولا حسيب و اذا اتى من يحاسبنا قلنا انك على خطاء ..!

مشكلة العالم الثالث بالتحديد هي


(( ان الناس لا يعملون ما هو واجب عليهم و يطالبون الغير بعمل واجبهم ))

يعطيكم العافيه و اسف على الاطاله