هم فقط يصرفون جوالات للمدراء الكبار وفواتيرهم على الشركة ومو أي مدير بعد يصرف له
حنا يالمهندسين صارفين لنا جوالات بس من القهر جوال عائلي يعني محدود على ارقام معينه :d
اما التلاعب بالفواتير فموجوده وكثير بعد لانهم عارفين ان سبعين بالميه من العملاء مايراجعون فواتيرهم وعلى طول اول ماتصدر الفاتوره يسدد ولا يهتم وبالمره .بس العميل الذكي لما يكتشف هالزياده يروح يشتكي على طول ياخذ حقه لا نشب لهم بالحلق عظم :d

حبيت اوضح شيء ثاني نسمة وسيبيريا وغيرها من الشركات تنصب على المواطن مثل افاق شامل وموبايلي كونكت رديئة

النصب موجود بأي شركة الا من رحم الله بس نقول الشركات الثانيه اخف لأنها بحاجه للعملاء
بالنسبه لموبايلي ماتقارن برداءه شركة الاتصال بالذات بخدمه الانترنت عن طريق الجوال
لان الاتصال عن طريق الجوال يعتمد بعد على قرب البرج ونوعه من العميل

الحل عند المنافس شركة عذيب او في الواي ماكس اللي هو موبايلي برودباند اتمنى انه خدمة البرود باند تتفعل في المدينة واقول باي باي افاق شامل

موبايلي عندها عرض قوي مرره بس لسه ماصرحوا فيه بيخدم كثير ومن المحتمل يسحب البساط من كل الشركات بس عيب هالعرض يقولون تكلفه الجهاز غاليه شوي

على العموم مبروك عملك الجديد في شركة موبايلي واتمنى انك تعلمنا عن مميزات وعيوب شركة موبايلي لاني حاسة انها بدت تلعب بالفاتورة هذي اليومين

والله لسه توني مابديت دوام فيها بس صدقيني هالشركة عندها الرغبه الصادقه برضا العميل من خلال اهتمامها فيه ومواصله الاتصال به الي ما تنتهي المشكله وشي عشته انا
وبالنسبه للتلاعب ما اتوقع بتكون مثل شركة الانفصالات وحتى لنفترض حصل ذلك قدمي اعتراض على الفاتوره وبيشيلون اي زياده مسجله بفاتورتك