احم احم
مساكم الله بالخير ياجماعة الربع والربعات
اسف جدا جدا طول طريق خريص على هالقطعه عن المنتدى والله يعلم اني مشتاق للجميع دون استثناء بس تعرفون وظيفه جديده توني مابعد تأقلمت مع نظامها وتلخبط الوقت والايام عندي وان شاءالله يسعفني الوقت والزمان واكون معكم على طووول
ثانيا اشكر اخوي احمد على اتاحه الفرصه لي وطلبه المشاركه بالبرنامج وكان ودي اعفيه من احراج البرنامج واكون مكانه بس ما اضمن دوامي فاكتفيت بالمداخله تليفونيا كحق وواجب علي للمنتدى وللمقاطعه عموما واتمنى مايكون وقتها عندي دوام عاد من زين خشتي اشتغل وداخل مداخله بالبرنامج
بحاول الخميس او الجمعه ان شاءالله افرغ نفسي عشان ارتب اللي ابي اتداخل فيه في ظل ماطرح من مواضيع بالمنتدى او غيره عن المقاطعه وان شاءالله تكون هالمداخله جيده وتضيف لو شي بسيط للمقاطعه
كل اللي اتمناه الان ان يتكرم اخي احمد بتزويدي بمحاور اللقاء حتى يكتمل التحضير الجيد للمداخله
كل الشكر من القلب للقلب لمن فقدني بغيابي وتكرم بالسؤال عني ولي عوده هاليومين بإذن الله