يا جماعه السالفه هي بها الصوره

انهم حاطين انهم ماجرينك السياره بما ان الفايده لهم

اذا خبطت المكينه خرب بالسياره شي او اي طاري يقولون لك انت اللي تستعمل السياره انت اللي تصلحها ........

طيب ما السياره باسمكم يا جماعه و انا مستاجرها المفروض تصلحون سيارتكم او انا ابي استاجر سياره غيرها

يقول لك لا يا حلوا غصبا عنك تكمل كما هو موضح بالعقد

طيب امنا بالله و صلحنا السياره على حسابنا و هي باسمهم

صااااااار حادث و راحت السياره فيها

هنا يجي دور التامين

يجي التامين يقول لك السياره تالفه و نعوض عن سعرها و خلونا نقول انه راح نص سعر الاجار

هنا كمثال التعوبض يكون 50 الف ريال

تاخذها الشركه !!!!!!!!!!

و انت بلط البحر و اللي راح راح لانك دافع تقريبا 50 الف و باقي لهم 50 الف خلاص

ياخذون التعويض كله و شركة التامين تاخذ السياره التالفه تبيعها مزاد على اساس انهم عوضو عن قيمتها فمن حقهم ياخذونها

طيب تجي تقول لهم يا جماعه انا اللي ادفع التامين و انا مستاجر السياره منكم و التامين من حقي

يقول لك لا يا حبيبي انت مستاجر السياره و السياره ملك الشركه !!!!!!!!!!!!؟؟؟؟؟؟؟؟؟؟؟؟


يعني لا صار شي يتصلح انا اللي ادفعه و اذا صار تعويض و فلوس تاخذينه يا الشركه ؟؟؟؟؟؟؟؟


يا عمي هذي ناس تدفع مئات الالاف للي يصيغون عقودهم بصوره تضمن حقهم و حق الطرف الاخر بعد يصير لهم


ما نقول الا حسبنا الله و نعم الوكيل في كل من يضحك على المسلمين

طولت صح

يالله اعذروني عاااد