لاحظنا جميعنا العروض المنهاله علينا من وكالات السيارات

وفيهم الصادق بالعروض وفيهم المحتال علينا

الصادق الي اعتمد في تسويقه على الطبقه الميسوره والدجل في عروضهم تلقف المعوزين

لاحظنا كيف كانت عروضهم (( ندفع عنك القسط الاول)) (( وبدون دفعه اولى)) و (( بدون رسوم اداريه ))

ولكن ما ذكروا كم مبلغ الدفعه الاخيره الي يهد الظهر

وكم نسبة التخفيض بعد حساب جميع تكاليف العرض الي راح نلاقيه ما يوافق الواقع ابداً


ما تلاحظون انهم يستغفلونا كثير وليش العروض الحقيقيه على السيارات كانت للي قيمتها من فوق 150 وانت طالع

صحيح الازمه الاقتصاديه العالميه علينا كشعب مالها تأثير فنحن نعيش على الراتب والراتب ما نقص ولله الحمد

ولكن العروض تبادر لها جل الشركات العالميه ونلاقي نفس الشركات الي ترفع اسعارها عندنا تقدم عروض في الخارج وهذا كله بسبب سياسة الوكيل الي هو على قولته يخاف على اقتصاد البلد وهذا كله كلام معسول لغرض عدم فقد الثقه سواء لدى الحكومه او لدى المستهلكين

انا اقول لو ندعم حملة خلوها تصدي بإرسال ايميلات لشركة تويوتا بفقدان الثقه كعملاء في عبداللطيف جميل قد تبادر الشركه لسحب التوكيل او اضعف الايمان راح تدخل سيارات تويوتا عن طريق وكلاء آخرين ونرتاح من الاحتكار الي هد ظهورنا واذا تذكرنا كيف كانت اسعار الاتصالات السعوديه قبل دخول موبايلي للسوق وكيف كنا ما ناخذ الخدمات منهم الا بتوصيه من واحد يعرف له موظف في الاتصالات السعوديه وكيف اصبحنا وين ما نروح نلاقي اعلان للاتصالات السعوديه وبأي طريقه كانت سواء بكلام فارغ او غيره تبي تقول لنا يرحم امكم خلوكم معنا

اختيار شركة تويوتا بالذات لأن اغلب الشعب السعودي تناسبه سيارات تويوتا والوكيل بدل ما ينقص في اسعاره زادها تسعه بالميه وبغطرسه واذا دخل معه وكيل غيره اقل ما في الامر ان هامش الربح بدل ما يصير عند الوكيل 60% يصبح بحدود المعقول والشآطر هو الي بيثبت وجودهـ والشركه الام تويوتا بتبيع سياراتها بنفس السعر وبتنافس اشد من الوكلاء الحصريين لهم

عبداللطيف جميل يعرف حاجة الشعب لسيارات تويوتا ويعرف اننا مجبرين عليه لكن ما يدري ان الله اقوى منه وبالتعاون بإذن الله راح نتبنى هالفكره من المنتدى المبارك مقاطعه


اتمنى الي يعرف ايميل لشركة تويوتا ياليت يحطه بالموضوع حتى نبدى بإرسال رسائل فقد الثقه في عبداللطيف جميل وكيل تويوتا في جميع مناطق المملكه العربية السعوديه