الرجاء من الأخت اللي نزلت الموضوع تكون دارسة المشكلة بشكل جيد عشان ما تتكلم عالفاضي وتصير تذر رماد بالعيون

إحنا ما جبنا الأجانب إلا وإحنا فعلا محتاجينهم ماجبناهم ولاخسرنا عليهم إلا وإحنا في أمس الحاجة لهم
ياحبيبي قاعد يجي الأجنبي ماخذ شهادة من برا وخبرة 10 سنوات ولسان حلو وتعامل راقي
بالله راح يوظفونه ولا يوظفون وجيهنا البايخة؟؟
قولي لي على سعودي مستعد إنه يقوم من الصبح ويداوم ويرجع الظهر ويرجع يروح العصر ويرجع على بيته بالليل

إحنا اللي جبنا المشكلة لنفسنا مو هم اللي جابوها معليش خلينا نكون صريحين
إنتي اللي قاعدة تتكلمين عنهم ثلة جدا قليلة اللي يقبلون بالعمل وللأسف غالبا مايكون عندهم مؤهلات للأسف الشديد*

وبعدين بعض القاصرين في المنتدى قاعد يقول لي فلان اللبناني راتبه 30 ألف وفلان سعودي صار له سواق في شركة 8 سنوات وراتبه 2000 ريال ، طبيعي بيصير راتبه كذا أجل وش رايك يشيلون ذا اللبناني الخبرة ويحطون واحد سواق بداله ؟؟؟؟؟؟؟؟

وبعدين أكيد راح يصير يبعث الفلوس لبلده وش ظنك أجل بيجي يتبرع علينا فيها ؟؟!!!

من حقه هو أصلا ماجاء هنا إلا عشان يكسب ويوفر ويبعث لأهله
الرجاء ياجماعة خلو الموضوع يكون مفيد أكثر من كذا واللي رد رجاءا يرد بواقعية

وتقبلو مروري