اللي أنا أعرفه و ياليت أحد يصحح لي ان كنت غلطان إن قرار وقف الاستيراد للسيارات اللي مرّ على تاريخ تصنيعها خمس سنوات و أكثر بالنسبة للسيارات الصغيره كان من المفروض تطبيقه قبل 3 سنوات و كان يتأجل لأسباب ما أعرفها لكني متأكد من المعلومة بنسبة 90% فما أعتقد ان القرار هذا ردة فعل لحملتنا المباركة.
و بعدين يا أخوان خلونا نفكر شوي كم نسبة المستهلكين اللي يستوردون سياراتهم من براّ بأنفسهم مقارنه بحجم سوق السيارات المستعمله الضخم في المملكة سنجد ان النسبة قد لا تذكر و الصالات اللي تستورد من أمريكا و غيرها من وجهة نظري الشخصية أجشع و أشد بطشاً من الوكلاء، أغلب سياراتهم إن ما كان كلها سيارات دوريات و أجره أو سيارات شركات أو شارينها من مزادات شركات التأمين مصدومه أو عليها مشكله سرقه أو ما شابه، يعني بالعقل مندوبهم الله يسلمه راح يلف المعارض عندهم ويفحص كل سياره تعجبه و ينقي الألوان و المواصفات و أكبر دليل على كلامي صناعية الشفا و النسيم اللي أغلب السيارات اللي فيها مستورده للصالات.
و الا الضمان المزعوم للصالات حدّث ولا حرج!!
شروط و التزامات وتهرّب من المسؤلية من الجميع تروح للصاله يقول عندك الكتيب و أنا مالي دخل ، تروح للشركه يقول ليش ما جبتها كل 5000كم نشيك عليها قبل لا تخرب عشان تدفع في كل زيارة المقسوم وتغطي أضعاف تكلفة تصليح سيارتك وياليتهم مع كل هذا فعلاً يشيكون كل ما يسويه ياخذ لفه بالسياره و يكع كع فرامل و يرفعها على الرافعه ياخذ لفتين باللمبه و سدد 50 أو 100 ريال متابعه وطق الختم والسلااام و لو صلحو سيارتك الاصلاح ما يتجاوز 5000 ريال و 70% منها أجور اصلاح وتدفع انت منها 500 ريال رسوم تحمل يعني كم دفعو لك؟؟!!
و مع هذا كله سعر السياره يفرق عن سعر اختها و يمكن أفضل منها حالة في السوق ووارد الوكيل (يعني مواصفات البلد) على الأقل 10000 ريال

بالعربي احنا ماكلينها ماكلينها و رأيي المتواضع يقول اغلط مره و اشتر سيارة جدييييييييييده مستورده من الخارج تقدر تدخلها و احرص على سيارة شعبيتها عاليه و أحسن استخدامها و ان شاء الله بتخدم معك على الأقل 10 سنوات و الله يوفق الجميع.
آآآآآآآآآآسف على الاطاله حبيت أن أوضح و أفيد.