يا أخي الكريم :
هم صحيح عندهم لف ودوران ، من ناحية انهم يوهمونك انه الألوان ماهي متوفرة وبعد وقت لا لزمت يقولولك ايه موجود بس في مدينة كذا ، وحنا نجيبها لك بس الشحن على حسابك .
كذلك يوهمونك انه العرض 20% قرب ينتهي ويبغالك تخلص أوراقك بسرعة . وتمر شهور وتلقى العرض مازال متوفر .
كذلك جهل بعض موظفي المبيعات بسياراتهم .
عني أنا قبل عدة شهور ، اتفقت مع موظف المبيعات واخذت منه مواصفات الوسط ، وجبت معايا الدفعة
وأخروني شوية ، وقلت خليني أشوف على بال مايمشوني السيارة ، وأجي أطل الطبلون اللي جهة الراكب
وما ألقى مكتوب اير باق ناديت الموظف وقلت له ياأخي شكل النوع هذا مافيه اير باق للراكب ، قال كيف مافي فيه ونص ، قلت له ما هو مكتوب ، قال مو لازم يكتبون ، بعدين قال خليني أتأكد ، راح اتصل مدري سأل غيره جاء وقلي فعلا مافي اير باق الا للفل الكامل ،قلت له طيب ، كيف تقولي إنه فيه وتعطيني مواصفات للسيارة ماهي موجودة فيها ، خلاص أنا بلشت ماني مشتري السيارة .
هذا اللي ذكرته صحيح ، وايضا شح المواصفات فيها .
لكن من ناحية عرضهم صحيح ولا نظلمهم يخصمون 20 % وأيضا النسبة السنوية لا تتعدى 10 إلى 11% يعني في خمس سنوات خمسين في المية غير محسوبة الدفعة المقدمة والمؤخرة .
فعلى القيمة اللي ذكرتها المفروض يكون مجموع ماتقسطه 49500
تقسيم 60 شهر يصبح 825 للقسط الشهري الواحد
وحتى لو أدخلت الدفعة الأخيرة ضمن مايقسط ( مع أنه المفروض ألا يقسط ) فلن يصل للمبلغ الذي ذكرته
68.760 وعليه فعليك مناقشة مدير الفرع على هذا الأساس .