طبعاً انا امتنعت عن الشراء
حتى من قبل حملة خلوها تصدي وانا ممتنع ورافض اشري سيارة جديدة
لان الوكلاء حرامية والاسعار في تزايد
وكنت دائما اناقش الشباب واقول حرام والله كل سنة والسيارات تغلى وترتفع اسعارها
الين متى طيب؟
والمشكلة ان الناس تشتري وتشتري
مو بس بحاجة
فيه ناس كثير تشتري بدون حاجة
لسبب انه يبغى جديد او عشان يكشخ بها او يتوقع ان هالسيارة بتسوي له قيمة وترفع قدره بين الخلايق
عشان كذا الوكلاء مبسوطين على هالناس
كل ما يجيبون كمية سيارات تطير كلها وفي اوقات قصيرة
اجل ليش ما يحطون اسعار على مزاجهم وهالناس مدحدره معهم

انا أقول ان الشعب السعودي يبي له توعية كبيرة
شعب بذخ ويلعب بالفلوس لعب
انا اعرف ناس تتسلف كل سنة عشان تشري سيارة اخر موديل
تلقاها بايع سيارته وكاسر سوقها عشان ياخذ الجديد

الحمد لله على العافية
انا الى اليوم وبكره مقاطع
ومراح آخذ الا شي بقناعتي
حتى لو ماخذ الا مستعمل

انا ممتنع عن الشراء يا احمد