المشاركة الأصلية كتبت بواسطة flash11

ولا يهمك نتكلم عامي

انا ماقلت ان مقاطعتكم غلط ولا انها حرام

على فكرة انا مقاطع اكثر من منتج لاسباب مختلفة ومحرمها حتى على عيالي والاهم انها ميب سلع اساسيه للحياة يعني انا مقاطع ماكدونالد اللي هو احد اهم الداعمين لدولة اسرائيل وهالكلام موب انشائي عندي كتب واثباتات من دكاترة اجانب

المهم نرجع لحديثنا

يا خوي

صح ان السيارات مستوردة بس ترى لهم حد معين ما يسترجلون ينزلون تحته ولا دخلوا مرحلة الخسارة

الكلام على الزيادة الغير معقولة

يعني x من السيارات انا شايف موقعهم وسعر السيارة العالمي ووكيلنا ياحبي له زاد فوق السعر المعلن 50 الف

السعر اللي في الموقع حاسبين في الشحن ونسبة الوكيل بس وكيلنا زاد فوقها 50 الف


طيب وش نقول في وكيل مثلا فورد اللي ملتزم تقريبا بسعر المصنع؟؟؟؟ نقو له لا خفض يا اللي فيك ما يخطيك؟؟

خلنا شوي واقعيين

وكالةدودج مثلا ملتزمة تقريبا بسعر المصنع اروح العن الطيب اللي فيهم واقول نزلوا غصب

بس مثلا الجميح ونيسان لا زايدين في سعر السيارة تقريبا 40 الف

تقول لي تويوتا اقولك حبيبي عبداللطيف موب وكيل عبداللطيف شريك في تويتا وموزع لكزس في اليابان ووكيل في انجلترا وليبيا والصين

يعين موب هامور الا حوت اقول له نزل في سعر سيارتك اللي هي من مصنعك

يا خي ابسط الحلول نتركها له ونشوف سيارة سعرها مناسب مثل فورد اللي خفضوا ودودج وهونداي اللي سعرهم معقول

يجون ربعك يقولون للناس لا تشترون لين يخفض تويوتا والجميح طيب وان ما خفضوا؟؟؟

لا ويبون 50 % ... انا اقولها قبلهم معصي ينزلونها والايام بيننا

يعني اذا ادرت ان تطاع اطلب المستطاع اطلب نسبة معقولة اطلب صيانة كويسه يخفضون قطع الغيار

طيب تخيل تخيل انك الوكيل
وفيه موقع مقاطعه وبس يلجلجون نبي ونبي وكل واحد يقول شي

بتسمع لهم؟؟؟

طيب تخيل موقع مقاطعه يتوحد ويقول

نبي تخفيض قدره 20% وهذا الطلب مدته 3 اشهر ونحن عددنا 5000 شخص على اهبة الشراء في حال قبلت مطالبنا وهذا عنواننا

ما تحس انه طلب ممكن الواحد يحس انه موحد وقابل للنقاش

ولا كل يوم واحد ناقز ابي 50% والثاني يقول ما ارضى الا ب 60%

شف يا حبيبي

اي هدف في الدنيا غير محدد الوقت والعناصر والمراد الوصول اليه يكون كلام فاضي


واللي يقول المقاطعه كسرت روسهم باهالطريقه العشوائيه انصحه يروح يكشف على راسه

يعني ما ودي تنجح المقاطعه

قسم بالله امنية انها تنجح بس بالهشكل العشوائي الملخبط المهرقل ما ظنيت

اتمنى اني ارضيتك يوم كتبت بالعاميه