انا ريحت راسي وشريت سيارة احلامي

كل اللي سويته اني رفضت اي هبال من اي وكيل

بس حكمت عقلي قبل انا ودي في سيارة جديدة وانا اعشق الزين واحب الجديد ( ربي خلقني كذا )

طيب وش الحل ياولد انا ماحب اللي يستغفلني

طيب امشي ورا هالحمله

مشيت كم شهر واقرأ اخباركم في المنتدى شبه يومي واي خبر اروح أتأكد منه بنفسي وللاسف اقولها بصراحه ويزعل اللي يزعل نص اخباركم من جنبها تلفيق وخيال واحلام

عندي مصدر في المبيعات عند عبداللطيف ويزودني بالاخبار بالاصح قريب من الدرجة الاولى يعني مابيخبي علي شي واكثر من مرة عرض علي سياراتهم بسعر الموظفين بس كذا ما احبها

اسعار السيارات في الامارات والكويت عندي اثنين اصدقاء مقربين كويتي واماراتي

والله والله راحوا الوكالات وسألوا لي نفس أسعر ربعنا

وارسل لي الكويتي قائمة الاسعار من وكالة انفنتي في الكويت من مدير مبيعات انفنتي في الكويت

نفس اللي عندنا بالزبط

لا تقولون ارخص ولا كلام فاضي وخلوكم من خيالكم

طيب ابي سيارة ووظيفتي تلزم علي اداوم بسيارة مظهرها جيد بحكم منصبي وعملي

طيب هالمقاطعين والله غير واضحين ( هذا حديث نفس ) ولا لهم سقف معين شكلي ياولد بشتري

ونصيت الجميح هالكلام شهر فبراير او مارس واتفقت معاهم على السعر وخلاص قلت اسبوع واكيشكم
ما احب الاقساط قد ذبحتني

جمعت قريشاتي وسلفة من قريب ونصيت الوكالة بعد اسبوع
هاه يالحبيب وش اكتب في الشيك
طيب السعر.... مزبوط
قالوا لا تغير ورفعوه يمكن 6000 ريال

قلت شف يالاخو انا مانيب حمار الاسبوع اللي راح ماكن هذا سعرها ...؟؟؟ الفلوس ماهمتني انا اشتري راسي بس موب تستغفلني يابو الشباب

قال لا مو كذا بس الشركه وما ادري ايش

قلت شف الشركه تعاني ماشكل بنت كلب وسعر المصنع ادخل على الموقع وتشوفه لا تستخف بعقلي ولا ابوكم لا ابو سياراتكم

طلعت ومقفله معي ... بس محتاج سيارة لاني وقتها لا املك سيارة

وانزل المعارض كذا قافلة معي

ويوفقني ربي والقى سيارة ماكنت احلم فيها وبسعر ماشاء الله تبارك الله مغري

فحصت وشريت ولله الحمد

لكن هل انا مؤمن بالمقاطعه

نعم وانا مقاطع بعض المتاجر والسلع لاني اكره الاستغفال واحتراما لمبادئي

هل مؤمن بمقاطعتكم

للاسف لا لانكم كما اسلفت مطالب خياليه وغير منطقيه والاهم عشوائيه وكل من يحدد سقف مطالب على كيف كيفه

الذي حصل والله كثير استسلموا

لماذا لانكم غير واضحين

يعني فورد ( وهذه ليست دعاية وانما وصف لما حصل ) نزلت 20000 في السيارة وتقولون لا شوي؟؟؟؟

اذا ما عتمدت قاعدة للمطالب فصدقوني سيقل المقاطعون تدريجيا

تقولون الشركات منهاره

والله ياكثر السيارات الجديدة في الشارع

هل لا حددتم مطالبكم وحكمتم المنطق وطالبتم بشيء معقول

والسلام ختام