منتدى مقاطعة - عرض مشاركة واحدة - هموم المتقاعدين من الحرس الوطني خدمة27عاماراتب تقاعد(1725)ريال (9)أفراد(7)أبناءوامهم.

**ApuTURKI** · 23-10-2009, 02:54 PM

اقتباس:

المشاركة الأصلية كتبت بواسطة ApuTURKI

لو على قولتك مكتب الضمان بالشئؤون الاجتماعية عندها حل ما بقى فقير في المملكة ,,
ما يشفع لك سنك حتى لو تبلغ التسعين اوحالة أسرتك ولا ضروفكم الاجتماعية والمادية ولا وضعكم الاجتماعي لو تجي لهم يشيلونك عيالك على نقالة "معوق" هذا ان سمح لك بالمراجعة وساعدك الحض وتخطيت هالحراسات المشددة والهيلمان اللي بتواجهه امامك وخلفك و مطوقين على مكتب سعادته خلال اوقات الدوام الرسمي لك فرصة واحدة بس بعد صلاة الظهر يطلع سعادته بصالة قدام مكتبه يجي دورك ,,تقول كلمتين وتعطيه معروضك لان خلفك طابور طويل . وبعدما يشرح سعادته بقلمه على ورقتك ,,
لا تحسب انك مقبول طلبك ابد كل اللي يصير ترى اجراء روتيني و حسب التعليمات
و تسجل لك معاملة وتعطى رقم و تمر الأيام والاسابيع والاشهر ربما,,
وتراجع ,,تراجع لين يخيب ثناك ,,
لاحضار طلباتهم وهي كثيرة لا تعد ولا تحصى ,,
تجيب شهادات وبرنتات منها مثلا ما عندك ولا عامل حتى لو ان مستقدمه احد باسمك قبل عدة سنوات لا زم تجيب برنت الجوازات بانزاله من الحاسب
مع خطاب من البنك العربي يبين راتبك التقاعدي مع عقد الايجار ولو ان مسجل على الحاسب الالي شي باسمك عند المرور سيارة لو قبل ثلاثين سنة .ترى تعيق طلبك , ويمرمطونك ساعتها ,
ويطلبون منك اسقاطها
واسقاط ما ابقي باسمك بالمرور ,,
واي شي مسجل عليك بالجوازات ,,
يحبون يمشورونك رغم ان المعلومات عن كل مواطن عندهم بوكالة الوزارة للضمان
ولو يبون يظهرونها تطلع امامهم لانهم مشتركين بموسسة (العلم) ,,
واحد من مكاتب العلم بوكالة الضمان و مدربين على حواسيبها قبل عدةسنوات موضفين من الوكالة و موجود ة عندهم .ليش النكد ..؟
يحبون يمشورونك ويمرمطونك علشان تئيأس ولا عاد تراجعهم,,
لنفترض انك بعد جهد جهيد حصلت على الموافقة و صرت يوما من الايام احد المستفيدين من الضمان لا تفرح فمهما بلغ افراد عائلتك مهوب (9) انشالله (15)اكثر ,,
لن يدفع لكم من الضمان سوى مبلغ صدقة لا يسد الحاجة,,
بعد ما خصم راتبك التقاعدي اللي هو (1725)تعطى مبلغ لا يتجاوز (2200) ريال . هالمبلغ الزهيد يمنون به عليك ..
دايم يردد سعادة وكيل الوزارة للضمان الاجتماعي بالصحافة وغيرها, انه اموال صدقات صدقات وهم مسؤولين عن دفع صدقة للمستحق الفقير .
طيب وكالة وزارة الشؤون الاجتماعية للضمان الأجتماعي ,,
مسمى "الضمان " منين جبتوه,,؟
وكالة الصدقات الجارية , وش هالاهانة
جعل الرزق مهوب عليكم .

يوجد مساعدة مقطوعة لكبار السن اللي اعمارهم فوق ال (60) عاما.
بعضهم لا قالو له ترى بنرسل لبيتك مندوبين ومفتشين,,

يرد عليهم بتعفف و حيا لا تكفون هونا لا ترسلون احد لبيتي ,,
ما ابي فضيحة قدام الله وخلقه ومعارفي حسبي الله عليكم ما يجي منكم الاحسان الا بفضيحة هونا,,
عند الله خير وابرك منها ,
(المساعدة المقطوعة)
او الاستثنائية كانت تدفع كل (3) سنوات 28الف ,,
زادوها قبل 3سنوات الى 30 الف..
هذا العام رغم ان جتهم مكرمة من خادم الحرمين الشريفين حفظه الله.
يقولون خفضوها الى 15 الف ,.
والمراجعة فيها عذاب انصح لاتراجع بالمكاتب دايم يرددون عليك يجيبونك موضوعك تحت الاجراء او بالعرض عند سعادته ,
و من هالكلام ,و ترى ما انت بلحالك اللي مقدمين قبلك اربعين الف مراجع400,000ويمكن اكثر ,
تبينا نبديك على غيرك ..؟

يقولون ما عندنا فقر
*

السلام عليكم ورحمة الله وبركاته,,,
لاتهاوشون يالربع ,,المشكلة تخصني والمصيبة بحثلي وش دخلكم ..
قال وش وداك للمر قال اللي امر منه,,
ما درباني في جفرة الفقر الا راتب الفقر التقاعدي و مراجعتي مع الفقراء المستحقين للصدقات كوني (*مت قاعد*)و براتب الميت ينسدح

(1725)ريال يعني ما كملت الموته معي* يااااااااااااه وش تقولون ليتني ميت منسدحولا يحتسب لي هالراتب ابرك

وافيق من الصدمة يصحوني يقولون لي مانت بلحالك تراك ما انت بلحالك غيرك مثلك واجد يا ابن الحلال صل على النبي وتعوذ من الشيطان و قم رح للغرابي فرع الوكالة هناك . وش هي وكالته ..؟ وكالة الوزارة للضمان الاجتماعي .

(الصدقات الاجتماعي) سمي بضمان أجتماعي خطاء .

انا سامع الوكيل يصرح بذلك علشان يبرئ ذمته عند الموافقة على اعطاء ريال واحد منها ..يعني مهيب فلوس حكومة .
ليه دراهم الحكومة حلال

التقديم عن طريق مكاتب الضمان الاجتماعي بالمحافظات او بالمدن وهي مكاتب اجراء لاتحل ولا تربط بعد ما ينهي الموظفون والمفتشون والباحثون الأجرآت للمعاملة ترفع كامل الاوراق لوكالة الوزارة للضمان آسف (الصدقات*)
وتقعد تحت العرض لاشهر وعندما تطول المدة ,
يرى المراجع ان لا بد من اكمال مشوار العذاب ,
المشار اليه اعلاه