حياك اخوي
الامريكان يسمونها محمصه بوب كورن "فيشار" لكن السعودة قلبتها للقهوة
عندي محمصة west Bend Stir Crazy
من كم سنة والله ولا احسن منها تطلع القهوة لون واحد
أخذتها من السيف اللي على طريق خريص تشتغل على خط 220 سعرها كان بحدود 120 ريال او اقل شوي الحين تلقى شبيهاتها صينيات
لو ما لقيت الاصلية عند السيف يمكن تحصل الاصلية عند المبتكر اللي بسوق عويس على الشارع العليا
الصيني بكل صراحة ما انصح به خاصه في الاجهزة الكهربائية
الواحد يبي يشتري مره وحدة مهوب فاضي كل سنه او سنتين يشتري
غير اني ابي نتيجة الامريكية تحمس القهوة بدرجة واحدة الصيني تلقى حبه احترقت وحبه شقرا !