السلام عليكم ورحمة الله بركاته
اولا اعتذر منكم عن الانقطاع الطويل وذلك وبسبب ظروف العمل
ثانيا هذا تحذير لكم اخواني واخواتي ويشهد الله علي ان هذا ما حصل امس تماما بدون زيادة ,,,
امس كنت في سوق الربوة مخرج 14اشتري بعض الاواني والاجهزه المنزلية دخلت محل باوزير وهو من اكبر المحلات في اسواق الربوة سالته عن سعر طقم اباريق السيف قالي سعره 180 ريال وعلشانك 165 ريال ولما شافه من تحت حصل عليه سعر 190 ريال الى الحين الامور تقريبا طبيعيه كنت ابغاه بسعر اقل فرفض وطلعت من المحل وقلت القاه عند غيره بسعر اقل رحت لمحل بن غيث بعده بكم محل حصلت عنده عجانه صينيه عليها ضمان سنه ماركة gte وسعرها عندهم 595 ريال غاليه حيل تركتها ولما جيت امشى رجعت لمحل باروزير ابغا اخذ طقم الاباريق قلت لليمني هات الاباريق جابهم ولما عطيته 165 ريال قال لا هذا سعره 190 وعلشانك 180 ريال قلت قبل شوي قلتلي 165 قال لا موب صحيح ماتخارج قلت حسبي الله عليكم وعطيت كم كلمه ورفعت صوتي ابغى الزباين يسمعون ويشوفون سرقته عيني عينك بس لا حياة لمن تنادي وانا طالع قريب من الباب جت عيني على العجانه اللي عند بن غيث نفسها والله تماما والله العظيم حصلت عليها سعر 780 ريال قلت والله انكم يمنيه حرميه قال ماعليك من هذي شوفوا الاستهتار والله وادق على بلاغات البلديه940 وانا عنده قلت ابغى اشتكي محل متلاعب بالاسعار قال موب عندنا قلت عند مين قال ما ادري قلت من اللي يدري قال ما ادري شف التجاره وفي هذه الحاله اكتشفت ان ابو يمن ما خاف ولا تحركته فيه شعره من البلديه عرفت في هذه الحاله ان الطاسه ضايعه,,,
ارجوكم مروا على المحلين هم بجوار بعض بن غيث وباوزير وتاكدوا من كلامي واكدوه هنا في الموضوع لمقاطعة هذا الحرامي,,,
واسف جدا على الاطاله ولكن ذكرت ما حصل تمام بلا اختصار...