20-01-2010, 06:47 AM
|
#7
|
مقاطع نشيط
رقـم العضويــة: 11401
تاريخ التسجيل: Mar 2009
المشـــاركـات: 250
|
ياأخواني المقاطعين هداكم الله
انا اتفق معكم في شئ واختلف معكم في شئ
اتفق معكم ان سعرها عالي جدا وسرقه ونصب عيانا بيانا
واختلف معكم بعدم الاكتتاب
علما ان هيئه سوق المال ليست مسؤوله عن تقييم السهم
لان السهم يقيم من الصناديق الاستثماريه
وهي المسؤوله عن تغطية الاكتتاب كامل لو ماتغطى !
يعني حضراتكم لو ماكتتبتوا راح تغطيها الصناديق
ومستحيل الصناديق تخلي سعره ينزل بخساره
اشرح لكم اللي راح يصير كالتالي
شركة هرفي طرحت 8 مليون سهم تقريبا
نصفها اكتتب فيها الافراد ونصفها اكتتب فيها الصناديق (المتعهده بالتغطيه في حال لم تتم التغطيه من الافراد)
طيب كلكم يقول ان سعرها عالي وانا اتفق معكم
لكن هل تعتقدون بما ان الصناديق اكتتبت فيها انها تخليها تنزل بخساره !؟
شلون بتربح من تصرف عليه لازم تنزل باسعار عاليه شوي
في هذا الوقت المكتتب الذكي اذا كان ماهو مقتنع بالشركه ومركزها المالي
يبيع من اول يوم او ثاني يوم لان الصناديق شغلها الان
تجميع فالسهم ثم بعد ذلك رفع سعره لمستويات عاليه ثم تطبيل وتحليل والسهم بيوصل
ويوصل وارباحه مادري كم توصل هنا المضاربين المغلوب على امرهم
يشترون في هرفي آملين بالربح المضاربي يآتي هنا دور الصناديق في التصريف
ثم نزول السهم ويبدأ التجميع من جديد
الخلاصه اننا حتى لو قاطعنا الاكتتاب بتكتتب الصناديق لانها مسؤوله عن التغطيه
لانها هي اللي قيمة السهم بهذا السعر
لكن اضحك عليهم بدال مايضحكون عليك اكتتب وبيع اول يوم
وصراحه ربحها للشخص الواحد غير مجدي 5 اسهم فقط
لكن اللي عنده كرت عائله واكثر من 10 اسماء ممتازه
مثلي شخصيا اتعامل مع الاكتتابات من 2007
ولله الحمد لم اخسر الا في اكتتابين وكانت لظروف غير طبيعيه
وهي شركه البحر الاحمر وشركه اخرى نسيتها
واللي ماهو مقتنع بكلامي راح ارفع الموضوع بعد تداولها واقولكم
كم ربحت ان شاء الله حتى تبين النتيجه والخلاصه للموضع
مع العلم ان عندي 14 اسم كرت الوالد الله يحفظه
اسف للاطاله ومن حبي لكم والله قلت هالشئ
والله يساعدكم ويقويكم وينصركم ان شاء الله
|
|
|
|
___________________________
يكفيني قناعه ان لا اشتري الا مايناسبني من جميع النواحي
|
|
|