المشاركة الأصلية كتبت بواسطة Dr_Er

ردك هذا دليل على صحه كلامي السابق وانك بتبصي للأمور من خرم ابره

انا بقلك اتكلمي عن عيب بعينو ومتعمميش عن كل المصريين

وياستي روحي انتي ومحاربين الصحراء اتهنوا بكاس العالم

اهم حاجه متعمميش وانتي قلتيها بنفسك عماله مصريه اللي عملت الشغب عندكم مش مهندسين ولا دكاتره ولا ناس بتمثل البلد دي في ثقافتها وتطورها

ولو كان في السعوديه كوادر تشتغل مكان العماله دي تأكدي انك مكنتيش حتشوفي اليوم اللي العماله المصريه حتعمل فيه شغب في شوارعكم

وتاني حاجه انا مقلتلكيش غيري قناعاتك لان من الاساس انتي معندكيش قناعات دي مجرد آراء مسفه بتتناقليها انتي وزمايلك ومش عارف مين ساكن جنبك حكالو كلمتين فانتي حفظتيهم فهلم جره عملتيها قناعات .

وبالنسبه للمقال اللي مخليكي حاقده اوي على مصر ده مقال عادي مكتوب عن وحده بينها وبين واحد من الكلاب عملية نصب والله اعلم اللي بينهم ولسه الحكومه بتشوف وضعهم ايه

مش هو ده المقال اللي يخليكي تقولي اننا بنسب ونشتم في السعوديه

وبعدين بالنسبه للبنت اللي قلتلك عليها مش ولا بد خدت هيا كمان الطريحه التمام الناس ماسبتهاش وانا قلت مش ولا بد عشان مقلش لفظ تاني مش تمام

وبالنسبه لكلامك ان مصر ام الدنيا او اختها انتم حرين بذلك لكن ما تفرض هالشيء على الاخرين...

انا قلتلك مصر مش محتاجه منك كلمه حلوه او وحشه وانا مفرضتش حاجه على حد خيالك الواسع هو اللي اوحالك بذلك . لكن هيا بالنسبالي انا وللسعوديين اللي بيفهوا ام الدنيا .

وبالنسبه لموضوع جهلي عن قصة الطبيب فاكيد انا مش بشم على ضهر ايدي ياماما
وفي كذا مشكله لاكتر من دكتور مصري عندكم في المملكه وانتي محددتيش

وان شاء الله تيجي عندنا مصر ياجمرة غضا وتنبسطي خالص وتغيري رايك عن المصريين .

بس نوعين من الناس متتعمليش معاهم في مصر وانتي تبقي ميه ميه

السماسره وسواقين التاكسي وانتي ترجعي تشجعي مصر مع الرغايين والفاتيين وتقولي مصر ام الدنيا

حتساليني طيب ما انا بحتاج للتاكسي حقلك عندك حل من اتنين
الاول تاجروا عربيه طول الفتره اللي قاعدينها بالسواق يوديكم ويجييبكم في اي مشاويير وحتوفروا كتير
التاني تركبوا التاكسي اللي بالعداد اللي لونه ابيض او سيتي تاكسي

والسكن مفيش افضل من الفنادق وابعدوا عن السماسره والشقق المفروشه عشان بتخشها الناس اللي مش ولا بد
ولا اقلك بلاش مش ولا بد عشان بتزعلك خليها بتخشها الناس الصايعه اللي مش متربيه اللي بتشوه سمعة مصر ,,,,

شفتي بقى بتبقي 100 ميه ازاي وانتي بتضحكي

انا مفيش بيني وبينك اي حاجه عشان نخلق بينا عداوه من العدم لكن خليكي وسطيه وحتلاقيني معاكي زي التاكس (( يعني حتلاقيني معاكي تمام على طول الخط ))

ونعم ثعالب الصحراء اهل لذلك وعلى راي المثل لاتعايرني ولا اعايرك ان كبر ابنك خاويه

تحياتي