يا اخوان اذكرواالله انا مصري واعيش في الرياض منذ اكثر 9

سنين غرب الرياض (الدخل) و7 سنين في الجبيل الصناعية

(مستشفى الجبيل العام) يعني المجموع 16 سنة عشت مع

السعوديين وعرفتهم وحبيتهم انتم صراحة يالسعودين فيكم خير

طيبين تحبون الخير نعم في عنصرية لكن محدودة عند بعض


العقول بالذات لما تكون في الشارع واحد يصدم فيك او انت

تصدم يقعد يقول هذا اجنبي ويزاعق ويرفع العقال في وجهك

علشان تسكت وما تكلم المرور حتى لو انا الغلطان خلينا من كذا

انا تعلمت اللهجة السعودية تمام حتى بعض السعوديين لو

لبست ثوب مايصدقون ا ني مصري بس الظروف لازم اتقلم

معاكم وانا اعرف في السعوديين عادات يعني تدل على انكم

تنبذون الارهاب حبكم للبر والمطر والطعوس والاستراحات يعني

انتم تحبون الفلة وراحة البال وانا رحت استراحات مع سعوديين

بس كانوا موظفين محترمين ماكان فيه بلوت ولا شيشة ولا

عود وكانت سوالف حلوة وسهرة لا تنسى القهوة والتمر والجبنيات

والقعدة في بيت الشعر وحضرت افراح من اول الاستراحات الى

القاعات حتى الفنادق يعني عشت تجربة مع مختلف فئات

الشعب السعودي من الناس اللي يعني مستواهم متوسط حتى

الناس الاغنياء اذكر مرة حضرت عرس في قصر طويق في حي

السفارات وكان اغلب الحاضرين من الناس الاغنياء

والمشهورين وكان هناك فايز المالكي هذا اللي انا شفته وغيره

يعني لو الامريكان يعيشوا وسطكم كان راح تغير فكرتهم عنكم

في ناس نعرفهم سعوديين يعني نسونا شئ اسمه غربة انا

احس اني سعودي زي زيكم بس ناقصني الجنسية وللاسف

صعبة اني احصل عليها وانا ودي اخذها بس شكلها تبيها

واسطات لكن اتمنى اني اعيش واموت في السعودية يعني انا

من الاخر سعودي المظهر ومن الداخل مصري انا احبكم في الله

واتمنى لكم الخير والحمد لله انا ماني راعي سرقة ولا نصب

ولا احتيال الشارع اللي ساكن فيه فيه جيزانين وقحاطين

وقصمان وجيراننا البيت اللي جنبنا جيزانين مطوعين ما شفت

منهم الا كل خير حتى القحاطين لما ارجع للبيت من سفر

يسلمون علينا ويقولون تعال تقهو ولازم تجي وو حتى جارنا

القحطاني كان يجيب لنا حليب الخلفات بكميات يمكن يقعد شهر

في الفريزر وكان ما ياخذ ريال واحد وجارنا القصيمي حبيب

دايما ياخذنا للمطار بالجمس حقه ولما يجي احد من اهله من

القصيم تلاقيهم ما ينسوننا ويجيبون كليجا مو حقت بقالة يعني

كليجا اصلية من القصيم حتى في العيد يسلمون علينا يمكن

السبب في كذا علشان في مصلحة متبادلة هم يساعدوني في

اللي يقدرون عليه في حدود القانون لا احد يقول واسطة ورشوة

لكن يعني انت تساعد وهم يساعدون في حدود القانون يعني

مثلا لو واحد قالي ابي اجازة مرضية او موعد واسقط الناس

علشانه لا انا كذا ما اتقي الله في عملي لكن ما يمنع اني اساعد

بس في حدود القانون ثم القانون ثم القانون وهذا شي ما احد

يختلف عليه