السلام عليكم ورحمة الله وبركاته

اسمحوا لي يا اخوان ان ادلي بدلوي
انا اعتقد ان السالفة ماهي سالفة بنقالي والا مصري والا لبناني او بريطاني
كل جنسية فيها الجيد واللي يفيدنا وفيها غير الجيد ويضرنا
حتى حنا السعوديين فينا الزين وفينا الشين لكن هناك مقولة بدوية تقول

(خشمك منك لو يعفنك )
والكلام هذا معناه لمن يريد توضيح ان السعودي مجبوره بلاده انها تضمه وتعالجه وتهتم فيه من جميع النواحي حتى وان كان مستواه العلمي او العملي مايقارن بمستوى غيره من العماله الوافدة وناخذ سالفة الطيارين هذي مثال
الاخ يقول تم التعاقد مع طيارين بنقال
مافيه مشكلة بس كم رواتبهم خلونا نقول خمس الاف هذا اذا قلنا انهم راضين بالهم مع اني حسب ما سمعت ان الطيارين من اعلى الرواتب في العالم
طيب مافيه شباب سعودي جالس بالشوارع ياكل فصفص ومخلص من الثانوية وصايرين عاله على المجتمع هؤلاء ماتعتقدون انهم يرضون براتب خمس الاف بس يبغالهم شوي تدريب سنتين بالكثير ويصيرون طيارين ورواتبهم مثل رواتب البنقاليه لا وازيدكم الدولة راح تستفيد من رواتبهم لانها راح تستثمر داخل الدولة مهو مثل العماله اللي شغالين تحويل بالهبل مع الاخذ بالاعتبار ما نشاهد في الصحف ان الوافد الفلاني تم اكتشافه مزور شهادة طب او هندسة او او او
المشكلة يا اخوان ماهي مشكلة نوع الجنسية
المشكلة اننا لازم نفهم شئ وهو ان ابن البلد مهما كان وضعه حتى وان كان مجرم او حرامي او مايفهم لازم بلده يوجد له حل لمشكلته يحل مشكلته مهما كان وهذا واجب المسؤولين ايجاد الحلول والاصرار على تطبيقها وما نبغى نسمع شعارات مثل الاستثمار في بناء الشخص السعودي وهم شغالين استقدام
والله يا اخوان فيه وافدين يتحكمون بابناء البلد ويرأسونهم ويذلونهم وياخذون منهم الرشاوي وانواع الابتزاز كله لان المواطن مرتبته اقل من مرتبة الوافد وهالكلام انا واقف عليه بنفسي وفي دائرة حكومية مع ان شغلة هالوافد يقدر يقوم فيها واحد سعودي بشرط انه يعرف يستخدم الكمبيوتر واذا ناقشت اصحاب القرار قال لك هذا خبرة طيب الى متى والاخ هذا خبرة والسعودي ما عنده خبرة ننتظر تقوم ناقة صالح حتى تجينا الخبرة
وسامحوني على الاطالة وشكرا لكم