بصراحة أنا استغربت واجد من بعض الأعضاء و(المشرفين) هنا....
يعني الحين المواطن المسكين غلبان والأسعار نار والتجارة ما تتدخل!
وبعدين يجون هالمرور يمصون دمنا وتقولون ممتاز..
ويرفعون أسعار مخالفاتهم وبرضوه مستانسين!!
وتبغى تشتري والا ما تبغى غصب تاخذ، وبالجملة بعد!
ولو ما تسدد راح تتدبل عليك، وش أنت يا ربا الجاهليه الأول عندها... ومع ذلك : رائع!!!!!

والله عجيب..
بس نشوفكم بعد شهر من تطبيق هالنظام السيء!
يعني الحين لما تطفى الإشارة وأنت عندها وتمشي وهي برتقالي أو أحمر يعطونك مخالفة ولو توقف يمكن تسوي حادث بسبة هالشيء!
والا تمشي بالدائري 140 أو 150 وتنصقع بمخالفة رغم أن هالسرعة معقولة وبأمريكا وألمانيا شوارع كبيرة السرعة مفتوحة... الناس تتطور واحنا نتخلف..
120 معقولة مبطي يوم الددسن 77 والا الكابرس 75 والكافرات الناشفة وما دري أيش... أما الحين أبدا ما هي معقولة...
وألا مخالفة ليه ما ربطت نفسك!! عشان لو صار حادث ما تقدر تطلع!

أكيد بيجي واحد يتفلسف ويقول حوادث وخرابيط،، نظام السهارى هذا ما يحل المشكلة..

الحوادث أسبابها كثيرة والنسبة الأغلب سببها ليس المواطن:
1- شوارع محفرة.. وتصريفها دمار.
2- إدارة المرور للطرق غير سوية... خط سريع يوقف فجأة! وآخرتها نقطة تفتيش، أو حادث في السيد الثاني!!
3- مراوغة في القيادة (وليس السرعة).. السرعة في مسار واحد بدون مراوغة لا تسبب مشكلة..
4- تفحيط وهالشيء اللي ما فلحوا المرور فيه حيلهم على الضعوف بس...

الله مير يرحم رقية!