السلام عليكم ورحمة اله وبركاته
الدكتور سليمان والاخوة الاعضاء لكل شيء اذا ماتم نقصان
واذا عرف السبب بطل العجب
الاجانب من فين جونا والله جونا من الفيز الي تمنح للامراء والمسئولين والشرهات لتحسين دخل فئة ماراح تفتقر الا في علم الغيب والكلم هذا ينطبق على الاراضي الصالحة للسكن والخ الخ الخ
والمجاملات الكذابه الي سمعناها من ابو الغز (غازي القصيبي )ما تأكل عيش؟؟
ليه تم عزل الدكتور علي النملة بعد يوم الزيارة من ابو متعب للفقراء ؟
ليه ما نقول الحقيقة ونجمع تواقيع لابو متعب من مليون مشارك بس مانبي صجة وكلام فاضي نبي جد ونساهم في تعويد ابنائنا على الشغل حتى الاعمال الدنيا مثل كناس منظف وخلافه الشغل مو عيب العيب اننا دولة شيباننا وامهاتنا من المتقاعدين يا عند الزبايل اكرم الله القراء ياعند القصور ليه ؟
لاحظوا ما فيه اجنبي عاطل وهم دارسين في مدارسنا وماكلينا لكن الثقافة غير
واذا تبي تتوسط لوظيفة خذ معاك بعد الله لبناني والله يوظفك لو تبي عند الملك
ليه العلماء ماهمهم الا الحرمة والرضاعة وطاعة ولي الامر طيب من الي يشرح للملك عن البطالة ليه كثرة المخدرات والجرائم لدرجة اكتفاء السجون والاصلاحيات وكيف جانا الفكر الضال الي ما خذ الدين لباس والاسلام بريء منهم اذا ما فيه احد يطرح المشاكل هذي فلا حول ولا قوة الا بالله
اما الاجانب الي يحتاجهم البلد زي المهندسين طبعا اذا ماهم مفروضين علينا زي ارامكو وسابك من الدول الغربية الي فارضه علينا الوصاية وبلاش مجاملات فالمفروض يكونون تحت عقد مدته معروفة وشرط التطوير موجود ومرتبط بشروط جزائية مو اجيب مهندس والا دكتور واعلفه من خير البلد 10 سنوات وافصله والا انقل كفالته بدون اي فائدة
اما الاجانب الي سواق ليموزين فوال خياط والخ يكونون تحت اشراف مكتب العمل ونحط معاه سعودي ونعطيله مهلة 10 سنوات منشد على السعودي يا يصحصح يا يدور له ركن عند اقرب مسجد
الموضوع دكتورنا العزيز مشوق ويمكن يكون لنا زيادة بالردود بعد تفاعل الاعضاء
والله من وراء القصد
وحسبنا الله ونعم الوكيل