اخوي اسمح لي عاد

الموضوع اللي كتبته الظاهر غيظ من فيض

وهالحالة اللي انت فيها ماتفيدك من خلال هالموضوع ان تتحسن

وأحب انوّهك ان مالي اي علاقة بأي مكتب استقدام لا من قريب ولا من بعيد
بس لي معلومات بشأن النظام السعودي اللي يختص بشؤون الإستقدام بين الجوازات وبين الشرطة وبين سجن المتخلفين للمقيمين وبين وزارة العمل .

أحب اقول لك ان الشركة معهم حق.
هم سياسة عملهم ان يجيبون لك الخدامة لحد باب بيتك مثل ماوصفتها ومثل طلبتها انت.

عاد اذا انحاشت هم وش ذنبهم؟.
يمكن انحاشت من سوء تعامل رب او ربة البيت؟
يمكن انحاشت من سوء شدة العمل اللي فيها يعني تشتغل مو بس خدامه
تشتغل خدامه وطباخة وغسالة سيارات من داخل البيت وتكون مسؤولة على اكثر من 4 اطفال.
وخصوصاً اذا جالها اسلوب مُهين ماترضى به.
والأهم التأخير في دفع مستحقات رواتبها


انت طرف اول
والشركة طرف ثاني
واللي جرب الخدامه طرف ثالث

لو انت مكان الطرف الثالث ودفعت على هالخدامه فلوس تقدر تطالب بحقك
لكن انت كطرف اول كبايع .
هنا انت المسؤول عن البيعه وانت اللي وافقت على التجربة بإخلاء مسؤولية الشركة وإخلاء مسؤولية الطرف الثالث اللي جربها .

الشركة وش ذنبهم؟
اذا هم كرفولك من قسم لقسم عشان يجيبون لك خدامه
تبغاهم بعد يحطون معهد تأهيلي للخدامات ثم يجيبونها لك وهي متعلمه؟
لو هالمعهد موجود مع انه في الاحلام
بس لو انه بالواقع موجود ، بتشوف الخدامه برضو بتنحاش
كل هذا لأحدى الأسباب أو كلها اللي ذكرتها اللي هم وباختصار :
1- سوء التعامل معها والإهانة بحقها .
2- عدم دفع الرواتب المستحقه لها.
3- تشغيلها بأكثر من عمل ماهي مختصه فيه.


وانصحك تروح تقدم بلاغ للشرطة ان الخدامة انحاشت .
منها تخلي مسؤوليتك

ولا تنسى ترفق مع بلاغك ورقة عقد التجربة من الشركة لمواطن غيرك .