انا كلفني 2500 مع اني لقيت مكتب قالي ب 1500 وتركته
هذه مبالغه غير معقوله
وبعدين انا اللي مصمم بيتي وكان دور المهندس هندسيا فقط
لا وابشركم بعد انتهائي من صب الدور الاول كنت ابوسع الدور الثاني وذهبت لمهندس صديق لي وكانت الطامة ان قال لي هذا المخطط تنفذ الم ينفذ
قلت له نفذ الدور الاول
قالي عندك خطأ كبير بالتصميم الانشائي وممكن تحصل كارثه
وقالي لازم اشوف المبنى وبحضور المقاول
فقال المقاول انا وجدت الخطأ واخبرت صاحب المبنى اني ابزود بالحديد لمنطقة ضعيفة وزدنا طن كامل بين كمرات وجسور
والله انه قالي قبل اصب وطبعا لقلت خبرتي مااخذت بالموضوع يوم قال هالكلام حبيت على راسه
المهندسين الاجانب نسخ ولصق
لا ورى هذا شايفين انفسهم الواحد يكلمك كأنه عالم وهم ماعندهم سالفه
مرة كنت عند مكتب يمتر العمارة لاجل حساب المقاول والله كان يحسب على الجهاز ويغلط وكنت اصحح له امتاره كان عنده اخطاء كثيره ومع هذا العلم الفذ اللي حاسين انفسهم فيه غرور وتكبر ويدوب الواحد يكلمك
والله هذا الكلام مو واحد او اثنين مر علي عشرات المهندسين نفس الطبع