لا حول ولا قوة الا بالله ،، اللي يقول ان المنتخب السعودي لم يقدم مستوى جيد ، يقولون له انت ما تربيت ، واللي يقول ابي وظيفة ، يقولون انقلع بس ، انت ما تربيت .

طيب يا صالح كامل ، انت تقول في كتاباتك ان نقطة التحول في حياتك هي عقود الصيانه مع وزارة الدفاع . يوم تسند لك هذي المهام كنت قد تربيت ولا لسه .

تقول شباب سعودي ما تدرب ويبي وظائف ، انت ما عمرك سمعت بخريجي المعاهد الصحية والمعاهد الفنية والحاسب الآلي ومجالات التدريب اللي بالهبل ، أخذوا شهاداتها وجلسوا يفركونها مع الدقيق ياكلون فيه خبز .

لكن الظاهر على قولتك ، المشكلة ان عندهم سوء فهم ، لأنهم لو يفهمون ما خلوا واحد مثلك يصير ملياردير في بلدهم . والخطأ الثاني ، على قولتك برضه، انهم ما تربوا .

لا تأسفن على غدر الزمان لطالما ... رقصت على جثث الأسود ضفادعا .