02-11-2010, 08:13 AM
|
#4
|
مقاطع فعال
رقـم العضويــة: 15612
تاريخ التسجيل: Aug 2010
المشـــاركـات: 612
|
السكن في المدن الكبيرة مثل الرياض أصبح كابوس .
الزحمة والحفريات اللي ما تنتهي والغبار والفوضى في القيادة أصبح مسبب رئيسي للضغط والسكر والربو والالتهابات لسكان الرياض وغيرها . تخيلوا في مناطق شمال الرياض الشمالي ، لا زالت الكلاب أعزكم الله تسرح وتمرح ومستغربة من المد العمراني اللي وصل بيئتها الطبيعية وأقلق عيشتها .
مطار الرياض اللي كان يعتبر سفر ، الآن الأحياء ملاصقة للمطار ولولا وجود شبك للمطار ، كان لقيت الناس تقهوى وتقرا جرايد والمركى على مدرج الطائرات . ويحمدون ربهم هيئة الطيران المدني ان النظام يجبر على وضع مترين ارتداد بينك وبين الجار.
الأسعار في مثل هذه الأحياء مثل النرجس وصلت فوق 1700 ريال ، غير التعويض اللي بتدفعه للسكان الأصليين ، الكلاب والضبان - نقل قدم .
الوقت اللي تحتاجه للتنقل بين أحياء الرياض صار أطول من الذهاب لأحد البلدان الخليجية المجاورة غير زحمات الدوائر الحكومية ومشاكل المواقف . والوضع يزداد سوء باليوم الواحد .
في المدن الصغيرة ، مفتك من كل وجع الرأس هذا ، وتعيش في جو نفه وبرادات يالله الجنه ومشوارك بالثواني لأبعد محل تبيه . والفائض من قيمة الأرض تقدر تستخدمه للترفيه بشراء أرض اضافيه وتزرعها نخل وطماط .
أهم شئ راحتك وراحة بالك وعيالك ، اللي يقدر يوفر له العمل ، فلا يوجد سبب يدعوه للبقاء في المدن الكبيرة ، حتى الأهل والأقارب للي يتعذر فيهم ، كلن لاهي بروحه ، الدنيا تغيرت .
وعلى ما قال ابونورة :
ما عاد شئ يربطني فيك ... غير الشقاء كاني رضيت .
|
|
|
|
___________________________
If inflation continues to soar, you're going to have to work like a dog just to live like one
|
|
|