منتدى مقاطعة - عرض مشاركة واحدة - عزوف عن شراء الفلل .. والمستثمرون الصغار يخفضون الأسعار

**جبرني الوقت** · 03-11-2010, 07:20 PM

الخبر فيه تناقض عجيب .. اولاً يقول تضخم غير امن في اسعار العقار في الوقت الحالي وبعدين يجي يقول الرهن العقاري سيتسبب في زيادة اسعار الفلل بشكل كبير كيف تجي تضخم غير امن في الاسعار ثم يلحقها زيادة فالاسعار وهي متضخمه ؟؟ اجل وش فايدة الانظمة العقاريه ومنها الرهن اللي الكل يترقبها واين تصحيح الاسعار العقاريه ؟؟!!

بعدين يجي يقول ان المواطنين يعانون من المديونية قبل الرهن العقاري في امور الحياة ومن المعروف ان الرهن العقاري ما راح يعطى الا لمن ليست عليهم قروض حتى يتمكنوا من سداد اقساط نظام الرهن العقاري .. يعني الاقبال خاصه في بداية تطبيق النظام راح يكون قليل لسببين الاول غالبية الشعب المحتاج للسكن مديون والثاني فطنة الشعب السعودي وتوجسهم دائماً خيفه من كل شي جديد وترقبهم لرؤية الايجابيات والسلبيات قبل الاشتراك في نظام الرهن العقاري ..

من وجهة نظري ان هوامير العقار بلشوا باللي في يديهم من اراضي بعد الغاء شرط تملك الارض للتقديم على بنك التنميه.. وايضاً بلشوا بالفلل خاصه بعد ما ينزل نظام الرهن العقاري واللي راح يعطي للمطورين العقاريين الاولويه في استملاك الاراضي وتخطيطها والبناء عليها وتقديمها للمواطنين كمجمعات سكنية مستقله بنظام الرهن .. واظن ان كل اللي يصير الان تهويل من ابواق الهوامير لتصريف اكبر قدر ممكن من الاراضي والفلل اللي يملكونها قبل ما يدخل المطورين بمجمعاتهم السكنيه واكتساحهم للسوق ..

واتمنى ان يتضمن النظام نظام زكاة سنوي اجباري لجميع الاراضي الغير مستغله داخل نطاق العمران من سنين لكي تقصم ظهور كل المتلاعبين في تملك الاراضي بغير وجه حق وحرمان الشعب من الاستفاده منها ..

اللهم ارزقنا من فضلك .. واكفنا شر الاشرار ..

دمتم بود