هذ مشكلة وزرائنا ، بالنسبة لوزارة الزراعة ، اتذكر قبل حوالي 3 سنين كنت اتسمع برنامج اذاعي وكان الضيف فيه وكيل وزارة الزراعة ، وجالس يتحدث عن زراعة النخيل وتكلفتها ونسب الماء اللي تحتاجه وكمية الانتاج المتوقعة ... بالأرقام الدقيقه (أو ظاهرها كذا) ، اتصل على البرنامج احد المزارعين من القصيم ، وكان ماشاء الله عليه راعي حسابات دقيقة بانتاج النخيل واستهلاك النخلة الواحدة من السماد والماء، وقال له أرقامك يا طويل العمر كلها غلط بغلط ، وعطاه بالملي أرقام مختلفة ، وانحرج الوكيل وقعد يرقعها وقال ان البيانات اللي عندي ليست بالشرط من السعودية ، لكن اتكلم عن انتاج النخيل بشكل عام ؟؟؟

هلحين يا طبل قاعد تتكلم لك اكثر من ساعة وجايب أرقام ونسب وجداول ومؤشرات واحصائيات عن انتاج النخيل ، وأثاريك تتكلم عن انتاج دول ثانية ، حنا وش لنا علاقة فيها ، تكلم عن انتاج أرضك ، وعواملك الجيولوجية وظروفك المناخية واترك دول العالم ، هذي ما تقدر تضع مقارنة فيها للاختلاف الشديد في الظروف البيئية بين الدول .

مشكلة وزرائنا ليس بعدم علمهم بما يجري على الواقع ، لأنهم هم أنفسهم عايشين في هالبلد ، لكن المشكلة انهم يلهون بالوجاهة ومتطلبات المنصب عن كل ما يهم المواطن ، واذا ظهروا اعلامياً وتم سؤالهم عن شئ ، قعدوا يخنبقون بأي خنابيق أرسلها لهم مدراء الادارات والوكلاء اللي تحتهم ، كرد عن أي مشكلة تكون محور اهتمام الاعلاميين في هذا الوقت .

وتوتا أبسلوتا ... خلصت الحدوته ..