اكسبلورر - فورد

سيارة دفع رباعي ، عائلية ، كشخة ، تصلح للبر ، تصلح للسفر والخطوط ، تصلح للمدينة

شركة سيارات عريقة وسمعتها معروفة ، أقل الشركات تأثرا بالأزمة المالية في أمريكا والعالم ، ثاني نسبة مبيعات لها بعد أمريكا في الخليج ، وتختبر سياراتها الجيوب في صحراء دبي

المواصفات الأساسية موجودة من الستاندر إلى الفل كامل ، ( وليس مثل اللاندكروزر ) والفرق بين كل فئة والأخرى مميزات بسيطة وكماليات مثل الفتحة وشاشة الملاحة وغيرها ، أما في الأساسيات مثل أنظمة تعليق الكفرات وغيرها فهي متوفرة للجميع

سيارة مجربة ولها رابطة في موقع "مكشات" مستعدة للإجابة على أي سؤال ، ويؤكدون لك أنهم يستخدمونها من موديل ٢٠٠٦ بدون أي مشاكل ( في الموديلات السابقة كان هناك مشكلة في القير وتم تلافيه )

وكيل يمدحونه ( لم أجربه لأن موتري شاريه مستعمل فماعندي ضمان ) قطع غيار بأسعار معقولة

كل هذا ... وبنصف قيمة اللاند كروزر gxr !!!

اكسبلورر الستاندر = ٩٧ الف ريال

اكسبلورر النص = ١٠٠ الف

اكسبلورر الفل كامل = ١١٠ الف ريال

ومع ذلك تشاهد كثير ممن يحلمون بامتلاك سيارة دفع رباعي مابين عيونهم إلا اللاند كروزر !!

وإن ماقدر عليه راح يشتري البرادو متبعا المثل القائل : العوض ولا القطيعة .. أهم شي تكون السيارة فيها من ريحة عبداللطيف جميل !!

وبعد كذا ماتبيهم يبالغون بأسعارهم ؟؟!!