المهم انه كح لك فلوسه ابا الكحيح الكحيان ذا
مره من المرات أظن هذا من 25 سنه بس
مريت بشارع بالمرقب الا واشوف لي واحد معه خبزة تميز يبي لها قلب وتلتقط نايل سات وعرب سات معا !
صراحه الوقت كان حوالى التاسعه صباحا
قلت امر هالمخبز واتذكر التميس او التميز !
يوم قربت من المخبز الا وهاك الأفغاني قاعد ويحكك يديه بأظافره ( فيه مرض جلدي )
قلت : ابي خبزه
قال : كم هبه يبغى ؟
قلت : هبه وهده <<< بكل غنج !
طمر ابو فغنه وانا متعجب كيف طلبت وانا اشوفه يتحكك بهذا الشكل !!!
وعلى طووول ينصى العجين ويضرب ابوها ويفرد
انتبهت كأني صاحي من النوم ..
والا ابوفغين ملقيني ظهره ..
قلت ما بدهاش ..
وانسحب من المخبز واركب السياره واطالع بالمرايه لا يلحقني
الله يا زمن .. ربع قرن بحاله مر على السالفه الصغينونه
بس عقبها كرهت المطاعم جملة وتفصيلا ومفردا وطاولتن وسفريا
وسلامتكم