اقتباس:
المشاركة الأصلية كتبت بواسطة أمير المقاطعه
مواطنه عايشه
بالله فكينا من الوطنية اللي بغير محلها
والله لو تسوقين ان تعرفين نظام ساهر وش يسوي من قهر
وقدام عيني بطريق الملك عبدالله سيارة كورلا وقفت ورى ساهر ومولع فلشر ويكبس على سيارة ساهر والناس تهدي( ولاحضي يقولون عشان الناس تهدي وهدت)
ليش مشغل ساهر يزعل
وبالاخير وجه الفلاش والكاميرا وتم تصوير السيارة 3 مرات
طبعا هو فاك اللوحة وجاء من جنبها ورمى على الكاميرا شئ ولحقه بحث افيو اغبى سيارة وفجأة كراون فكتوريا اثنين من الشبابيك ورموا ساهر وكسروا القزاز وعدسة الفلاش
وانا شخصيا حطيت رجلي
وكثير من الشباب يقولون وش يصير مع ساهر من تكسير وتبقيس للبنقالية بالباص
حتى الثابته بالبخاخات قفلوها
وبالاخير ساهر يأخذ مع كل كاميرا دورية ورجل مرور وبحث
يدل الدورية ما تدور بالحواري اللي كل يوم سيارة مسروقة
والا رجال مرور بسيارة حكومية يجازي المخالفين ويباشر الحوادث وأعطال الاشارات والازدحامات
والا البحث بدل ما يكفش العباثين الحقيقين بالبلد
والسياسة من عدم اظهار على الاقل 30% من الحوادث ضد ساهر عدم إظهار الرفض للنظام وحتى باقي الشباب ما يتشجع
وتخيلي يالمثالية أنا أخذت مخالفه وقوف خاطئ بجامعة الملك سعود والمشكلة منعوني من الدخول للمواقف ووالمواقف فل ولا يوجد أي حل من المرور
وباالخير قسيمة مخالفه 150 ريال بشهر شوال ومو انا يمكن 20 سيارة بسبب عدم توفر مواقف ايام القبول والتعديل والنقل والقلق كله
وبالاخير اشيك على رقمي يقول ما فيه مخالفه
واشيك بعد الشهر ما فيه مخالفه وفجأة بعد الاضحى القاهم منزلين المخالفه مدبله
وكذلك بطريق الملك عبدالله حفريات والسوق مواقفه قليله وفل والحارة الخلفية كل بيت حاط حديده ممنوع الوقوف غير انتشار السرقات بسبب الظلمة
ووقفت جنب الصبات وبعيد والسيارة ما سببت اي زحمه ورصني بـ150 والحين المخالفات 450 ريال
وانا طالب بدون مكأفاة يعني مزنوووق
والحين جامعة الملك سعود ما قدرت تربط بين كلياتها المنتشره بالرياض كلية المجتمع بالملز وبالوشم
وكلية المعلمين بالجامعه لازم تروح للكلية وبعدين تخلص اوراق بالجامعه وبعضها لازم ترجع مره ثانيه للكلية
وما فيه ربط ونظام زفت
لكن رابطين نظام مع المرور عشان يلهفون فلووووووووووس
طيب مو مشكة شف حل للزحمة ووفر مواقف للسيارات نظامية تستوعب وبسط الامن بالحارات عشان نوقف فيها
قسم بالله مقهور 300 ريال ظلم المفروض 150 واقدر اسددها من الوالد او الوالدة او اخوي بس الوالد يالله الراتب واخوي يالله يشيل نفسه
لذلك أنا أوريك فيهم عز الله ما يشمونها إلا بخسارة
|
صباح الخير أمير المقاطعه مش عيب الوطنيه وكأنها عار بالأخير دي بلدي وبلدك
أما أني لا أسوق فهذه المصيبه التي لايشعر بها غير النساء أن يكون هناك سائق لايفقه شئ بالسواقه والسياره والنظام ولايتكلم العربيه والإنجليزيه وتدله على طرقات البلد وتجبره على النظام حتي وصلت للتهديد بأن أي مخالفه سوف يدفعها من راتبه وقتها حس بجدية الموضوع مع وسائلي التعليميه بالصور عن المخالفات وسببها
أنا لا أدافع عن التطبيق الخاطئ ولكن عن النظام الذي نرفض تطبيقه للسبب المادي!
البلد فيها من الأخطاء الكثير من مواقف لسوء الطرقات ........إلخ
وبالتخريب لن نوقف النظام وبالنهايه سنلتزم بالنظام وسندفع ماخرب من جيبي وجيبك
أما أن نشجع على التخريب فهو الذي أرفضه وسبب هذا الهجوم علي
أبعدنا وإياكم عن كاميرات ساهر ومخالفاته بالإلتزامنا بأبسط قواعد المرور
صح رأي لايعجب الكثير ولكن يجب أن نسمع للغير مع إختلافنا بالأراء