اختي مواطنه عايشه

صباح الخير

بختصر الكلام لان الشباب كفو ووفو .
حنا مع النظام وضد السرعات العاليه والتهور والتفحيط والاستهتار بانواعه الذي يقتل بالعشرات يوميا حسب الاحصائيات .

وللمعلوميه ترى الاحصائيات الذين يقولون عشرات الوفيات يوميا ليس كلها بسبب السرعة بل بسبب حوادث عاديه منها باصات وسيارات نقل كبيره ومعظم الاسباب من عدم الانتباه وليست من السرعة
ولكن لكي يجيروا هذه الاعداد لصالحهم يقولون يموت باليوم 24 شخص بالمملكة قد يكونوا صادقين ولكن لم يصدقوا بان هذه الوفيات بسبب السرعه وان ساهر هو الحل ..! وضحت الصورة؟


مواطنه
لنا سنين عديده يصقعونا مخالفات وساكتين مااعترضنا ولا كتبنا شي عنها لاني قد اكون مخطي وهذا حقي واستاهله كما قال المثل.
لكن صدقيني الناس ماتتكلم الا من شي ظالم واول الظلم ساهر الحرامي
وثاني الظلم تدبيل المخالفات ( وللاسف تشيك بالحساب عشان تسدد قبل التدبيل وينزلونها قبل نهاية الشهر بيومين ) بعد انا ماني مرابط عند الصرافه كأني شحاذ

اما لو كانت عاديه المخالفه مع العلم انها ارتفعت كذا مره ماقلت شي سددت وسكت كحال السنوات الماضيه

لكن ساهر حرامي وظالم واحس نهايته قريبه
اجل واحد من الشباب مشى من حائل الي الشرقيه مخالفات من ساهر 1800 ريال
لاتقولين مسرع
السيارة جديده والطرق والحمدلله سريعه ومستحيل يمشي 120 طيب نقول 121 ياخذ مخالفه؟؟؟
ترى عداد السيارة مافيه واحد وثنين بالعشرينات

خارج الموضوع
انا سعيد بان ازمة مصر اثرت على خفض الرخص والاستمارات والجواز وبقيت كأنها في مكرمه ملكيه مصائب قوم عند قوم فوائد
ولو استمرت ازمة مصر اتوقع يزيلون ساهر ويدللون الشعب شويه


والله يعينك على سواقك الغثه