اولا احب اقولك ياليت تكون عندك الفاظ ارقى من كذا
وثاني شي ما علي انا ببنده ولا بغيرها لكن فيه مقيمين عاشوا كل عمرهم في السعودية
ولا يعرفون بلدانهم وش شكلها مجرد بالإسم هو للبلد الفلاني
انا بسألك سؤال يالفهيم واسأل كل سعودي قاعد دجه بالشوارع بس
ليش تعاقبونهم بهالأسلوب؟
انت ما عندك الا الدجه والهياط بالشوارع لا وتبي تكون مدير شركة
وبراتب ما يقل عن 5000 لا وفوق هذا تكون بمكتب خاص فيك
وفيه تلفون تشغله ونت تجلس عليه
استح على وجهك فيه مقيمين موب لاقيين اللقمه ياكلونها
وانت ضمان اجتماعي ومستشفيات تتعالج فيها ببلاش واخر شي تصيف بالبحرين
انتم تبون هالشغلات طيب الاجانب لو طلعوا وتركوا السعودية تقدر انت وهو
تنظفون الشوارع واكيد بتكون الوساخه فيه من اخوانكم اهل البلد نفسه تقدر؟
اتحدى انه فيه سعودي ينظف الشوارع او يشتغل طباخ بمطعم
الرسول صلى الله عليه وسلم يقول : ( المسلم من سلم المسلمون من لسانه ويده )
وانتم العرب المسلمين المقيمين عندكم ما سلموا من السنتكم
خلك مثل الخلق وجب شهادة ثم طالب بوظيفة بنفس تخصصك
موب تقعد تتمخطر بالشوارع وتهايط وترجع تطالب بوظيفه
اذا امريكا ثاني اكبر دوله بالعالم ما تستغني عن المقيمين عندها
وتشغلهم لا وتعاملهم كبشر موب هنا المقيم يتعامل كنه حمار ولا كلب
وتقولون مسلمين اي مسلمين وهو مافي محبة الخير للأخ المسلم
فيه مقيمين ما عندهم اكل ولا يقدرون يتعالجون وفوق كل هذا هم مجبورين
على دفع تكاليف الاقامه من وين يجيبون كل هذا؟ يسرقون يعني عشان خاطركم؟
وان سرقوا بتقولون سراقين
انتم نفسكم موب عارفين وش تبون
ولعلمك ياشاطر انت وهو اكثر التجار اللي بالسعودية هم حضارم
بن محفوظ وباينهيل وبقشان
بعد بتقول في هذا كذب؟
اذا عمر بن الخطاب شاف يهودي يسأل الناس امر بصرف مال له من بيت مال المسلمين
يهودي عمر بن الخطاب رضي الله عنه حس فيه
وحنا عرب ومسلمين وقاعدين نتقاتل
وبينا العنصريه والتفرقه هذا اجنبي هذا مدري وشو
المقيمين لازم يرجعون بلدانهم
ليش كل هذا؟ كل هذا حقد؟
الرسول صلى الله عليه وسلم قال : ( لا يؤمن احدكم حتى يحب لأخيه ما يحب لنفسه )
هذا الحديث صار منعدم الحين صار بين المسلمين تفرقه
ما الوم الدول الاجنبيه لو ضحكت علينا وتمصخرت فينا
بتقول مسلمين بينهم وبين بعض يتحاربون حنا ما سوينا مثلهم
ايام الملك فيصل الله يرحمه والازمه اللي جات في السعودية
من اللي وقف جنبه وساعده الحضارم وقفوا معه وساعدوه بالمال
والسعودية لولا الله ثم وجود الحضارم وربي ما كان بيكون لها وجود وبتكون فقيرة
لانهم تركوا بلادهم وجوا للسعودية يتاجرون
وشفوا تجارتهم معبيه السعودية ولا واحد فيكم يقول كذب
اتمنى ان القرأن يكون نبراسكم والرسول صلى الله عليه وسلم يكون قدوتكم