آمل من الجميع ومن ضمنهم معالي الوزير أتساع صدره لما سوف يطرح .
أولاً : أين الوزارة ؟؟ من العناصر التالية
1- الاسعار .(
طبعا الرد الجاهز أن التجار يعانون من رفع الاسعار في البورصة والاسواق العالمية (رد بالمخبى)
وهم يسهرون الليل ويدفعون نقل البضاعة ,,,,,الخ ) .
2- جودة المواد.(
هل ترقى هذه المواد أن تنشر في الاسواق السعودية أو لا مثل أنواع الرز ,حليب أطفال....والقائمة تطول , هذا بعلم الغيب لأن الاخوة بوزارة التجارة يقولون ما عندنا كفاءاة تكشف هذا الامر والموضوع تحت الدراسة يعني ( إذكروا محاسن موتاكم ) .
3- نوعية المواد . (
يا معاليك خسرنا ثلاث أرباع شباب هالوطن بسبب الاطارات الرديئة والمصنّعة بالصين وبلاد خش وقش وكله بريالين ) (والرد والله كان مسرع ) طيب كنت راكب معه يوم تقول كان مسرع ؟؟؟؟؟؟والا تقرير معدّه أبو فلان ويركب سيارته على دفعتين يحط البطن أول وباقي الجسم جاي بالطريق ( اللي شهادته ماجستير طرق !! )والله حرام عليكم .
4- أين أنت من رقابة التجار (
معالي الوووووزير انت تمثل أعلى سلطة تجارية في وطن وثق بك وملك يستاهل من ياخذ من عمري وأعطيه ) التجار متسدّحين بالغرفة التجارية ويستقبلون الوفووود وينّمون تجارتهم وأنواااع الاحتكار المبطّن ومعاليك بمكتبك موسع صدرك .
5-أصبحنا نخاف نشتري سيارة ما نعرفها تدري ليه ؟؟؟ لان القطع ماهي موجودة بالوكاله والتاجر يقول تبي بالسعر الفلاني أطلبها لك من الوكاله الام بالمريخ وتوصلك بعد شهر ودبر عمرك بسيارة أيجار والا أشتر سياره ثانية والا أنتحر أصرف لك ,وإذا كنت شجاع وقلت بشتكي للوزارة .. يرد إذا انت رايح هناك تكفى جبلنا أستمارة سجل جديد عشان المعقّب حقنا بطنه توجعه اليوم ) !!!!(
يعني ردد يالليل ماأطولك ) . ممكن تترجم ترى
6- تشجّع السعودة ما يخالف (
لأنك سعودي ) بس أن تحط
ألفين وتسعمية بالمية من الموظفين يقربون للحاج مدير الفرع ومدير الشئون الماليه و.............................. و......الخ ماعدا الفرّاش اللي يصب القهوة بفرع الشرقية ..معليش (ترا ظلم ) عيّنو لو ولد جيرانه .(لا وبعد أكشخ واحد فيهم معه شهادة سادس وأن أستبّسل كان معه ثانية متوسط ..؟؟؟؟؟
7- آمل أن يسمع هذا الكلام ويرمى بعد ذلك ولكن تذكر قوله تعالى يصف المؤمنين (
والذين هم لأماناتهم وعهدهم راعون ).
ثانياً:
شكرا معالي الوزير على لا شئ.
مواطن سعودي باله وسييييييع