الخطوط العربية السعودية ... حدث معي أمس
من سنين عاهدت نفسي على أن لا أتعامل مع خطوطنا العربية السعودية الحبيبة للرحلات الدولية الطويلة وحصرت علاقتنا على الرحلات الداخلية والقاهرة والخليج ( حتى ما نخسر بعض أو لأنها مثل تلفزيونا الحبيب غصب 1 و 2 ما لها حل) , ما لكم بالطويلة المهم زادت عندي جرعة الوطنية بعد أحداث الربيع الفايت وقررت أن ارجع العلاقة عل وعسا أن يكونون عقلوا شوي ولكن أمس صارت لي سالفة معهم وأبيكم تأكدون من المهبول أنا اللي رجعت لهم أو هم .
الرحلة : الرياض – جوانزو sv800 / رقم التذكرة : 0652853724081 / رقم الحجز : 073328021930 / تاريخ السفر : 18 يونيو 2011 / الدرجة الأولى .
مشيت أمس الظهر من الدمام مع سواقي كرشنا ( يا حريم حتى أنا عندنا سواقين ) ووصلنا الرياض بعد العصر , وبالخط وصلتني رسالة من الخطوط السعودية تقول إنهم سوولي داون قريد لدرجة الأفق , قلت يا لله ( العوض ولا القطيعة ) المهم نوصل لغوانزو الظهر , ورحنا للمطار بكل ثقة وهناك بداء الاستهبال ؟؟؟؟ .
قالوا لنا اصبروا , غيرنا الطيارة من 777 إلى 727 ؟؟؟ قلنا طيب وش المشكلة ؟؟.
الساعة سبعة ونص بشرونا إنهم ضبطونا بداون قريد جديد للدرجة السياحية ؟؟؟ سألتهم طيب ليه ما بلغتمونا ؟ ردوا علينا أن الحجز ما زال أفق ولكن الكراسي انسحبت من جدة ؟؟ طيب وش السوات ؟؟ قالونا الرحلة القادمة بيوم 21 بس ما فيها إمكانية لا للأولى ولا الأفق ؟؟.
الملاحظة المهمة : ما فيه احد انزعج ( خارجيا على الأقل ) ولا صار صراخ , كل ظف وجهة واخذ عفشه ورجع لأهلة سالم غانم .
والله ماني بقايل إن عندي مواعيد وشغل وهذا والله صدق ولكن .. احترمونا شوي .. تذاكرنا بفلوس ما جتنا هدية ... الموظف يقولي وهو يضحك يا تركب سياحية يا نخصم 25 % من قيمة التذكرة إذا ما ألغيت الحجز ألان ( يلعن ام البرموشن ) ؟؟.
المهم وصلت الدمام البارح وانا ما شوف , كويس ان كرشنا معي ( اعرفوا يا حريم .. السواق صديق وقت الضيق ) وان شاء الله طالع الليلة على القطرية .
منقووول