يسوس زي ابو صالح هذا الله يسلمكم شايب الله يعطيه طولة العمر متقاعد من ارامكو وزوجته الله يخليها عمرها 65سنة يعني حتى شبكة الجوال ما تلقط معاها المهم الرجال راح تزوج مرة نص عمر يعني 35سنة مطلقة ولا يجيلها عيال والله قامة العجيز شاطة عليه الي فيك مافيك المهم ما ادري من الي غزها وراحة تشتكي للمحكمة مادرينا الى ابو صالح منادينا مع اولاده وراحنا المحكمة معاه وعند الشيخ جت ام صالح زعلانه مع واحد من اخوانها (والله بقرارة نفسه انه موافق على زواج ابو صالح)لكن الواجب يوقف مع اخته مهما كان وحنا جالسين برى الا نسمع الشيخ والي معاه ضحك ولا في مكشات يوم طلع لنا نسيبه قال جابها ابوصالح قلت وشلون قال القاضي خلى اختي تتكلم وتقول وش عندها قالت ابي حقوقي الشرعية يعدل بينا حتى بالمبات قال القاضي وش ردك عليها قال ابو صالح ما انكر فضلها بعد الله سبحانه وصبرها لكن ياشيخ اي حقوق شرعية اذا انات الوك الماء لها حتى تشري(الوك اي امضغ)الا الشيخ قعد يضحك والي معاه
نصيحتي للاخ او العم ان صح التعبير انه يتوكل على الله ما دام مافيه شرط بعقد الزواج والله الله بالعدل مو يتبطح مع الجديدة وينسى ام العيال ام الخير