طبعا بتعديل الخلل ,اذا كان هناك خلل هرموني يعالج , اذا كان هناك خلل بتغذية يصحح .
الادوية والمشروبات والاكلات الخاصة بالدايت هذي كلها حلول مؤقته ممكن تعطي نتيجه وممكن تكون كارثة على جسمك ! ومن تتركها ترجع لنفس طريقة الاكل فتعود الكيلوات ومعها كم كيلو زيادة ..
الصحيح و الافضل ان تتابع مع مختص تغذية محترم (يبعدك عن اي شي مُصنع ) وتعمل بالاول تحاليل لهرمون الغدة والدم ,وتتاكد من سلامتهم ,وبعدها مع المختص تجلس وتعطيه كل التفاصيل (كيف تاكل , نشاط رياضي ام عادي, تاخذ ادوية ) ومع طولك وحجم العضل والدهن بالجسم وعمرك تبدا معه العلاج وتصحيح الخطا ..
ما افضل اي نوع من انواع الدايت والتقيد بجداول الرجيم الاسبوعية اللي يوزعونها بعض مختصي التغذية لانها اسهل واسرع لهم للاسف !
الجدول جاهزة مجرد يعطيك نسخة ! طيب جدول يناسب شخص مش بالضرورة يناسب شخص ثاني ! وربما الاكلات الموجودة ما ارغبها !
واضف اغلب الجداول ماتناسب نمط معيشتنا من بيقعد كم شهر على مسلوق وعلبة تونة ويبتعد عن النشويات !
اطلب من المختص يصحح نمط الغذاء عندك تصحيح ويحدد لك احجام الكميات والحصص المناسبة لك .. خله نمط غذائي دائم مش مؤقت