معليش يا فراس .. تقاطع مين وإلا تبلّغ مين!!
أصلا لو تقاطع قاطعت لحالك للأسف, تعرف ثقافة المقاطعة عندنا صفر
وبعدين تقاطع مين كل التجار والأسواق رفعوا الأسعار, يعني لو تبي تقاطع
الكل كان تقعد بدارك تاكل تبن إلين يخفضون ويتأدبون, أصلا حتى التبن
رفعوا قيمته, يعني اضرب عن الطعام .. وأنت تخبر وزارة التجارة ما
بالحمض احد, والوزير على جلالة قدره ما بيده صلاحيات ولا عنده جهاز
أمن تنفيذي يساعده على التطبيق, يعني كل الأمور عندنا تنظير على الورق
على طريقة (ترى مهوب احسن لكم) وبس!
ولو تبلّغ بيديك ورجليك ما راح تلقى أي تجاوب, ترفع السماعة وتبلغ ويعطونك
رقم التبليغ وبس, يعني ما فيه اتخاذ أي إجراء, لأنهم أصلا ما يقدرون يتخذون
أي إجراء, وإلى بلغت ثانية عطوك رقم ثاني وهكذا .. وطبعا كل هالحركات من
وزارة التجارة مجرد تمثيليات لذر الرماد في العيون, وإظهار الإخلاص بتطبيق
أمر الملك, وتأكد إنهم ما تحركوا هالحركات البسيطة اللي ما تقدم ولا تأخر إلا بأمر
من كبار التجار اللي يتحكمون بالبلد من وراء الكواليس .. يعني مجرد امتصاص
حماسة, واغتيال غضب ..