منتدى مقاطعة - عرض مشاركة واحدة - الغـش الذي يستخدمه التجار وماحد انتبه له (( ضروري تدخل ))

**ابن المملكة** · 23-08-2007, 02:13 PM

السلام عليكم

نشكر القائمين على هذا المنتدى ، وان شاء الله يتحقق المطلوب

اخواني المستهلكين :

جشع التجار ( تجار المواد الغذائية بالذات ) ماهو فقط في رفع الأسعار

لكن فيه شي ثاني أنت بنفسك تكسب التاجر بدون ماتشعر !

لاحظ هنا العملية الحسابية :

* نفرض أنه أقل شي أحد تجار المواد الغذائية يبيع في اليوم 500 سلعة على أكثر من مستهلك

* قيمة هذه السلعة 9 ريال و خمس وتسعين هللة ( كما هو موضح لدى الكثير من اسواق المواد الغذائية حيث أنهم يضعون ستيكر على المنتج : مثال لقيمته ( 9 ريال و 95 هللة )

* بمعنى أنك تجي للكاشير ويحاسبك على أساس ( 10 ريال لهذه السلعة ) وطبعا أنت كريم ، وماعندك استعداد تنتظر خمس هللات أو حتى تطلبها من الكاشير ( وهي من حقك ) وبنفس الوقت ماتبي الزبائن المزدحمين عند الكاشير يضحكون عليك لأجل أنك تطلب من الكاشير يعطيك الباقي وهو خمس هللات ، ولا ننسى أننا كسعوديين لا تهمنا قيمة هذه الخمس هللات..

* لو حسبنا الخمس هللات هذي اللي رفضنا ناخذها من الكاشير ( واصلا ماعندهم خمس هللات وأنا بنفسي عملت اختبار للأسواق التالية + بنده + العثيم + التميمي
واشتريت غرض قيمته بكذا وخمس وتسعين هللة :-

والنتيجة كانت : أن الكاشير مايعطيني الخمس هللات ، وعملت أختبار ثاني لهم فطلبت الخمس هللات لكن قالو لي ( لايوجد عندهم خمس هللات ) وذهبت وأنا اعرف أنهم غشاشين ..

* الخمس هللات يا اعزاء مهما كانت قليلة ، لكنها مكسب كبير لتاجر الجملة في آخر الشهر :-

تخيلو معي : يومياً تبيع هذه الاسواق المزدحمة ( التميمي ، بنده ، العثيم ، بلشرف .. وغيرهم ) يوميا يبيعون 500 سلعة وكل سلعة منها قيمتها بكذا وخمس وتسعين هللة

-- ايش النتيجة لو ماخذنا الخمس هللات :
لاحظ آخر الشهر كم بيكسب التاجر من هذه الحركة التدليسية والغش اللي ماحد ينتبه له :

كل مائة سلعة لمدة 30 يوم مكسبه منها 150 ريال
لو ضربنا 150 ريال في 500 سلعة يوميا

يطلع الناتج مكسبه آخر الشهر :
750 ريال

تخيلو معي 750 ريال بدون ادنى تعب عليهم وبدون أي تكفلة ، المسألة كلها خمس هللات إضافية رفض 97% من السعوديين أخذها !!

ملاحظة -----------------------
انا بنيت الحساب السابق على أساس 500 سلعة يومياً ، ومن شاف الزحمة على هذي الأسواق اللي تقريباً تفتح 24 ساعة يومياً ، وكم عدد الأشخاص اللي يدخلون يتبضعون في اليوم الواحد ، يمكن يبيع التاجر أكثر من 500 سلعة يوميا ، لكن أنا قلت 500 سلعة كأقل تقدير.

على فكرة ترى أنا مثلكم ما اخذ الخمس هللات ،
وحسبي عليهم من تجار غشاشين بأساليبهم الملتوية والتدليسية