منتدى مقاطعة - عرض مشاركة واحدة - هــــــــــــــــــــــــــــــــــــــــــــل تعلــــــــــــــــــــــم

**خلوددي** · 12-10-2007, 07:36 AM

اخوي لي مداخله بسيطة من قالك ان عندنا مايخذون ضريبة الا اجبارية على كل نشاط محل بقالة مؤسسة شركة يقولون زكاة وهي ضريبة اجبارية تدفعها سنويا انت عارف بس الكرت الاصفر حق الدفاع المدني الي يتعلق في المحل صار 1400 ريال هذا واحد
انت ماتدفع للبلدية رسوم للسيارة هذي ضريبة انت ماتدفع لفاتورة الكهرب خدمة 10ريال او 15 ريال هذي ضريبة
نجي البنزين من قالك ان حنا ارخص ناس في البنزين سعر اللتر الاحمر الي عندنا 60 هلله بكم في مصر
90 قرش يعني 57 هلله يعني هم ارخص على انهم ليسوا بدولة بترولية ثالثا
وين المكرمات الملكية الي تتكلم عنها ؟
تقول زيادة رواتب اي رواتب واي زيادة المكرمة شملت الموظف طيب والي غير موظف وش يسوي يقشر بصل
وتعال اي زيادة تتكلم عنها 15% ماادري انت فعلا جاد في كلامك او حبيت بس تشارك معنا في المنتدى مكرمة 15% للموظفين بعد يعني غيرهم يندب حظة وزيادة في الاسعار وفي المعيشة 300 %
نضحك على انفسنا
اخوي اوعدك ولا اريد ان اقسم اذا الوضع لم يتغير واصبح زي مانشاهده الان راح بعد كم شهر تغير كلامك وسأذكرك فيه
اريد توضيح نقطة لك اخي العزيز انا دخلت المنتدى هذا ليس للمقاطعة لاني اعرف ان المقاطعة لان تثمر الا بمرور الوقت وبكثرة عدد الناس الي فعلا شعروا بالحاصل عندنا يعني 50000 الف شخص اذا قاطعوا ماراح يأثر بس مع الوقت واذا اصبحوا 500000 الف راح تشوف الكل يعمل لنا حساب هذا واحد
ثانيا انا دخلت هنا كي ابين الفساد الاداري الحاصل من قبل وزارة التجارة وهيئة المواصفات والجمارك
لانهم سبب في زيادة الاسعار بسبب البضائع المقلدة والمغشوشة وانت دخل بضاعتك على عيني وراسي وانت لا لا تدخل ممنوع وينك من الناس هذي وين حكومتنا منهم
تكلمت ونبهت ولا تحركوا اخرتها قبل اسبوع داخله بضاعة من الكويت بدون فحص
وازيدك من الشعر بيت راح تدخل بضاعة بعد اربع ايام من الامارات ادوات تجميل واجهزة خاصة بالتجميل ولا راح تفحص ولا راح يميزون المقلد من الاصلي هذا انا نبهت عيني عينك وينهم وزارة التجارة من البضاعة هذي يبوني اعطيهم اسم التاجر لااريد ان اقسم بالله اني حتى اذا عطيتهم كل التفاصيل انهم لان يفعلوا شيء
انا متاكد انك منت حاس بالي حاصل من غش وتقليد بضائع يعني اسالك بالله يقولون لنا وزارة التجارة ابلغونا عن البضائع المقلدة يعني هم موعارفين وين مكانها ووين تنباع ومين يدخلها هم بس شاطرين يجون يسحبون ويصادرون البضائع من المحلات الصغيرة المساكين اما الي معه ضهر ويبيعها عيني عينك قسم بالله مايقربون عليه ياوزارة التجارة خافوا الله خليتوا تجار الجملة في المرقب وفي منفوحة وفي جدة في الخاسكية وتجون على الغلابة الي عندهم بضائع 500 ريال وتصادرونها وخليتوا الي عيني عينك عرض التقليد ويبيع بالدرازن وخليتوا اكثر من 200 محل جملة يبيعون وجنب بعض
انا ماادري اخوي يوم تكتب كلامك على اي اساس كتبته