حياك الله اخوي, استغرب منك كيف قريت الموضوع وتسألني هذي الاسئلة. وممكن تذكرلي السبب ليه ماقتنعت بالتقرير؟ هل عندك دليل يثبت العكس؟ ولا عدم اقتناعك جا بدون سبب؟وللمره الثانيه اقول انا اعتبر نفسي من الطبقة المتوسطه يعني مثلكم ويمكن اقل لذلك رجاء الكف عن اتهامي بأني من الطبقة المخملية ايضا اخوي انا ماكتبت الموضوع عشان اقول والله شوفوني عايش ومبسوط وانكم كذابين الاسعار مارتفعت ولا شي..لا ياعزيزي في ارتفاع في الاسعار وفي معاناة من الارتفاع لكن الكلام عن أسباب ارتفاع الاسعار وليس هل ارتفعت الاسعار او لا وهل هناك تضرر ام لا . وبعدين انا ما انكر معاناة الشعب من غلاء الاسعار ولا انكر ان الغلاء أثر على عائلتي واقربائي, لكن انا اتكلم واقول ان غلاء الاسعار له اسبابه والاسباب مذكوره في التقرير الذي وضعته و اكيد ارتفاع الاسعار شئ احزني وضيق صدري .

ثانيا, انا اذكر الدولة والملك عبدالله لأني اريد اثبت ان الموضوع خارج عن سيطرة الدولة وان الدولة والوزراء مالهم اي مقدرة على تغيير الحاصل, وبالعقل هل ممكن ان ترتفع الاسعار بهذا الشكل والدولة ساكته وعارفه عن الموضوع؟ هل وصل الفساد في الدولة الى هذه الدرجه؟ مو معقول اخوي ومن اللي عنده قلب يخرب حياة الألاف من المواطنين وينغص عليهم.

ثالثا: قضية البطاله انت ذكرت حالة وحده بس وحكمت على شعب كامل عن طريق الحاله هذي فقط, طيب انا اقولك شي انا عندي اخوي اكبر مني الاول درس جامعة وتخرج وتوظف في شركة سابك, والثاني درس دبلوم تسويق وتخرج وهو الان موظف ايضا. وبعد عندي اثنين عيال عم كلهم درسوا دبلوم حاسب آلي وهم الان موظفين. وش رايك اللحين؟ الان ذكرتلك اربع من عائلتي كلهم درسوا وتخرجوا وتوظفوا. الرجاء عدم الحكم على شعب كامل عن طريق حالة حصلت معك او مع احد افراد عائلتك, وانا لا انكر وجود العطالة هي موجود بالتأكيد ولكن الرجاء منك الأطلاع على هذا الخبر حتى تعرف ماذا فعلت الدولة في هذا الموضوع:
http://alriyadh-np.com/2006/12/17/article209852.html

شاكر لك ردك الجميل واتمنى ان فهمت النقطة اللي ابي اوصلها لك.