شاكر لي nagos 11 الاقتصاد والتوفير حل لين ما يفرجها الله وكلامك سليم وجميل. واحنا رجال ونقدر نتحمل الشدايد

نوماس صحيح كلامك بس ما بيدي ولا يدك شي ولازم ما نجلس نتفرج على ارتفاع ديوننا لاني من كثر الصبر اصبحت استخدم البطاقة الاتماني ووصلت مديونيتي الى 90 الف ريال


والله يا اخوان راتبي 10000ريال واقسط 6000ريال و غير 2000 ريال اجار شقه

فما لقيت حل الا بهذه الطريقه

فستخرجت سيارة تكسي مع اني جامعي ومشرف على مدارس اهلية الله يفشل الشيطان
و صرت اشتغل فيه 5 ساعات واكسب 90 ريال يومياً وممكن اوصل الى 140 ريال
و للمعلومية ماتدري عني زوجتي الدلوعة اني اشتغل هذه الشغلة ولا اهلي كذلك ولا كان سوت لي مشكلة وممكن تطلب الطلاق والانفصال
بس والله ما حدك على المر الا اللي امر منه

وهذا الحل اللي سويته واللي عنده حلول افضل يقولها الله يعطيه عافية

وهناك قصه طريفه :

قالها صديق لي وذكر انه يعرف (دكتور جامعي مشارك ) كان يبني بيته في احد الاحياء و والمهم طفر من مصاريف وطلبات البناء
و احتاج دراهم وما لقى الا انه يكد بونيت بعد الدوام في الجامعة علشان يكمل البناء بيت الاسرة وكان هذا الدكتور يتلثم وهو يشتغل بونيته و يخاف ان احد طلابه او اقاربه يشاهدونه وهو على هذه الحاله

وهذه القصه شجعتني بصراحه وصرت اشتغل وانا مضلل شوي السيارة التكسي وابعد عن حارتنا اخاف اتورط مع الجماعة