معاك في اغلب كلامك....
انا كمان لفت انتباهي في المنتدى التحامل على الوافدين من الجنسيات العربيه .... وليس من الاجانب ......
بالنسبالي الي اشوفو انو الوافد كلو همه ونشاط وما وصل للمستوى الي وصلو الا بعد كفاح وجهد و تعب.......
مو زي اغلب الشباب السعوديين
الي ما يصدق يرجع من وظيفتو او دوامو وتلاقي حيلو مهدود وكأنو شايل حجر وطين على راسه بوظيفتو
وتلاقيه بقية يومه يكملو يامسدوح ع الكنبه او نايم في سابع نومه او قاعد قدام التي في او النت
وعلى كدا طول الايام......
الا من رحم ربي طبعا.......
المشكله انو اذا ما تعب دحين وهو في عز شبابه امتى بس راح يتعب ....!!
لكن شوف الوافد العربي تلاقي عندو اكثر من وظيفه وعندو طموح ونشاط ويكافح طول اليوم واخر همو الراحه ......
وبعدين الفساد والاجرام والغش والخداع مو مقتصر بس ع الوافدين لهذا البلد......
يوجد الكثير من ابناء هذا البلد ممن عاثوا فيها فسادا وجورا....
يعني الخير والشر موجود عند كل البشر ومو مقتصر على جنسيه معينه .......
وفعلا اغلب السعوديين متعودين ع الترف والدلال والرفاهيه الزايده .....
واعرف زوجات كتير منهم الي تخلي زوجها يدين مبلغ وقدره عشان تشتري من الماركه الفلانيه او عشان يغيرلها ديكور بيتها كل سنه او 6 شهور ....او عشان يسفرها لسويسرا اسبوعين....او او او... وفي الاخير زوجها مهدد بدخول السجن لو اتاخر بسداد الدين .......
بس كان الافضل انك ماتعمم وتقول انو اعضاء منتدى مقاطعه مراهقين ......
بالعكس في كثير من الاعضاء الي يستاهلوا الشكر والامتنان على اهتماهم و مجهودهم ووقتهم المبذول في سبيل انجاح هذا المنتدى واستمراره ........
في النهايه اختلاف الرأي لا يفسد للود قضيه ......