حصل هذا الموقف أمامي اليوم الأثنين ، تعرفون الرياض اليومين هذي برد ، قلت أفطر الشباب في المكتب فول وعدس ، رحت للفوال معي حافظيتن ، وقلت له وحده فول والثانيه عدس .
الموقف كان فيه رجل كبير في السن في حدودالسبعين (شكله أعرابي )وهذه ليست استهزاء ، به ، اقترب من الفوال وقال بصوت منخفض عطني بريال فول وحطه في (باغه) اي كيس بلاستيك ، نعم والله بريال واحد ، وطلع فلوس لاتتجاوز 4 ريال وعطاه ريال واحد .. الفوال مشاها له وعطاه بريال .
والله لو اعرف انه بيرضى اشتري له اني اسويها ولكن خفت أن يصير مشكله .
موقف بصراحه كدت أبكي منه الى هذه الدرجه مواطن لا يقدر الا على دفع ريال واحد لوجبه افطار ويمكن ريال اخر للخبز .
الحمد لله رب العالمين
اطفال لبنان يتعلمون على حسابنا
وكبار السن عندنا يفطرون بريال